શું કરશો ?

ના સમજે એને સમજાવીને શું કરશો ?

પથ્થર પર પાણી નમાવીને શું કરશો ?

દફન થઇ ચૂક્યું છે જે મનના કોઇ ખૂણે 

ફરી ફરી એને ઉથલાવી ને શું કરશો ?

જગા ન મળી હૃદય મહી એમના પછી,

દિવાલ પર તસવીર સજાવીને શું કરશો ?

બળી ગયું છે હૃદય મારું છેક અંદર સુધી, 

રાખના ઢગલા ને સળગાવીને શું કરશો ?

હતા અંગત એ મારા જે દિલ દુભાવી ગયા,

રહસ્ય જ રહેવા દો નામ જાણીને શું કરશો ?

રાહે રહ્યા નયન અંતિમ શ્વાસ સુધી 'અંજુ'

જીવતેજીવ ના આવ્યા હવે આવી ને શું કરશો ?