ସଙ୍ଗରୋଧର ସମୟ-୨

ପ୍ରିୟ ଡାଏରୀ,

କରୋନା ଲକଡାଉନର ଏଇ ସମୟ କାହା ପାଇଁ କେମିତି?

******

ଦି ଦିନ ତଳେ ଆଳୁ କିଲୋ ଷାଠିଏ ଟଙ୍କାରେ କିଣିଲା ବେଳେ ପରିବା ବିକାଳୀ ସଲିମକୁ କହିଲି-"ଏ ଦୁସମୟରେ ଏତେ ଚଢ଼ା ଦରରେ ପରିବା ବିକୁଛ, ଏଥିପାଇଁ ତୁମ ବିବେକ ତୁମକୁ ବାଧା ଦେଉନି?"

ସଲିମ ହସିଲା-"ସପ୍ଲାଇ ନାହିଁ, ସାହାଵ?"

-"ସପ୍ଲାଇ ନାହିଁ ନା ଲୋକଙ୍କୁ ଲୁଟିବାର ଗୋଟିଏ ମଉକା ମିଳି ଯାଇଛି ତୁମକୁ?"

-"ଯେମିତି ବୁଝିବେ, ଆଜ୍ଞା।"

ଆଜି ପରିବା କି

Advertisement

ଣିବାକୁ ଯାଇଥିଲା ବେଳେ ସଲିମ ନ ଥିଲା।ତା ସାନ ଭାଇ ପରିବା ଦେଉଥିଲା।

-"ସଲିମ କୁଆଡ଼େ ଗଲା?"

-"ତାକୁ ପ୍ରବଳ ଜ୍ଵର କାଲିଠାରୁ।ଡାକ୍ତରଖାନାରେ ଭର୍ତ୍ତି ହେଇଛି।"

-"ଆଳୁ କେଜି କେତେ?"

-"ତିରିଶ ଟଙ୍କା, ସାହେବ!"

-"ତୁମେ ବି ସଙ୍ଗରୋଧରେ ରହିବା ଉଚିତ।ଯେହେତୁ ସଲିମ ଅସୁସ୍ଥ ହୋଇପଡ଼ିଛି ଅଚାନକ।"ଏତିକି ପରାମର୍ଶ ଦେଇ ଫେରି ଆସିଲି।

ରାସ୍ତା ସାରା ମୋତେ ଆକ୍ରାନ୍ତ କରି ରଖିଥିଲା ସଲିମ।ଈଶ୍ୱରଙ୍କୁ ପ୍ରାର୍ଥନା କଲି ତାର ଆଶୁ ଆରୋଗ୍ୟ ଲାଗି।