ଡେଲିଭେରି ବୟ
ଡେଲିଭେରି ବୟ
ପିଲା ଦିନରୁ ଦୁଃଖ କ'ଣ ଜାଣିଛି । କିଶୋର ଅବସ୍ଥାରୁ ଯୁବକ ଅବସ୍ଥାକୁ ଆସିବା ପରେ ମୋର ପାଠ ପଢ଼ା ସଙ୍ଗେ ଘର ପରିବାରର ବୋଝ ମୋ କାନ୍ଧ ଉପରେ । କେମିତି ଦୁଇ ପଇସା ରୋଜଗାର କରିବି ସେ ଦୁଃଖକୁ ନେଇ ଅନେକ ଅନେକ ସ୍ଵପ୍ନ ! ଶେଷରେ ବହୁ କଷ୍ଟରେ ଡେଲିଭେରି ବୟ ରେ କାମ ଟିଏ ମିଳିଲା । କିନ୍ତୁ ପୁଣି ଏକ ଅସୁବିଧା ମୁଣ୍ଡ ଟେକିଲା । ଜିନିଷ ବାଣ୍ଟିବାକୁ ଯିବି କେମିତି । ଗାଁ ଠାରୁ ଆରମ୍ଭ କରି ସହର ପର୍ଯ୍ୟନ୍ତ ବୁଲିବାକୁ ପଡ଼ିବ । ଏପଟେ ନିଜର ପଢ଼ା ଖର୍ଚ୍ଚ ପାଇଁ ଚିନ୍ତା ଆଉ ପରିବାରର ଚିନ୍ତା ,ଶେଷରେ ମୁଁ ଏହା ମନସ୍ଥ କଲି ଯେ ଯେତେ ସମ୍ଭବ ହେବ ମୁଁ ଚାଲି ଚାଲି ବୁଲିବି । ଥକିଗଲେ ରାସ୍ତାରେ ଯାଉଥିବା ଭାଇ ମାନଙ୍କୁ ଲିପ୍ଟ ମାଗିବି ଆଉ ଗୋଟିଏ ଯାଗାରେ ଅନ୍ୟ ଯାଗାକୁ ଯିବି ପରେ କିଛି ସଞ୍ଚୟ କରି ଗାଡ଼ି ଟିଏ କିଣିବି ତେଣିକି ଭଗବାନ ଙ୍କ ଉପରେ ସବୁ ରହିଲା ।
ସେମିତି ହିଁ ହେଲା କିଛି ଦିନ ଚାଲି ଚାଲି ବୁଲିଳି । ଥକିଗଲେ ଲିପ୍ଟ ମାଗୁଥିଲି କଠିନ ପରିଶ୍ରମ ଦ୍ଵାରା ଅଳ୍ପ କିଛି ଅର୍ଥ ମଧ୍ୟ ସଞ୍ଚୟ ହୋଇଗଲା ଧାର କରଜ କରି ନିଜର କିଛି ସଞ୍ଚିୟ ଟଙ୍କାକୁ ମିଶାଇ ଏକ ଦୁଇ ଚକିଆ ବି ଏସ ଏ ଫୁଟନ ସାଇକେଲ ଟିଏ କିଣିଥିଲି । ତା ପରେ ଆରାମରେ ଡେଲିଭେରି ବୟ ପାଇଁ ବୁଲିବାକୁ ଲାଗିଥିଲା । ତେଣୁ ମୁଁ ଅନେକ ସମୟରେ ଭାବେ ମୋ କିଛି ନଥିବାରୁ ମୁଁ ଅନେକ ଲୋକଙ୍କୁ ଲିପ୍ଟ ମାଗିଛି। ତେଣୁ ମୁଁ ନିଶ୍ଚୟ ଅନ୍ୟକୁ ସାହାଯ୍ୟ କରିବି । ଏମିତି ମୁଁ ଅନେକ ଲୋକଙ୍କୁ ଲିପ୍ଟ ଦେଇ ସାହାଯ୍ୟ କରିଛି ଗୋଟିଏ ଜାଗାରୁ ଅନ୍ୟ ଜାଗାକୁ ନେଇଛି । ନିଜର ସାଇକେଲ ଟିଏ ଥିବା ଯୋଗୁଁ ଯାହାକୁ ଯେତେବେଳେ ବି ଆବଶ୍ୟକ ପଡ଼େ ମୁଁ କାହାକୁ ମନା କରେ ନାହିଁ । ଏମିତି ମୁଁ ଆମ ଅଞ୍ଚଳରେ ପର ଉପକାରୀ ଯୁବକ ଭାବେ ବେଶ ପରିଚିତ ହୋଇଥିଲି । ହଠାତ୍ ମୋ ଘରର ପରିସ୍ଥିତି ବଦଳିବା ସହିତ ମୋର ପଢ଼ାପଢ଼ି ରେ ବାଧା ଉପୁଜିଲା ଜୀବନରେ ଅନେକ ସ୍ଵପ୍ନ ଦେଖିଥିଲି ଭବିଷ୍ୟତ ରେ ଭଲ ମଣିଷ ଟିଏ ହେବି କିନ୍ତୁ ମୋର ସ୍ଵପ ତୋ ସ୍ଵପ୍ନ ରେ ହିଁ ରହିଗଲା ।"