ଯୁଦ୍ଧ

ମହାଭାରତ,ରାମାୟଣ ପରି ନୁହଁ 

ପ୍ରଥମ କି ଦ୍ବିତୀୟ ବିଶ୍ବଯୁଦ୍ଧ ପରି ନୁହଁ 

ମଣିଷ ମଣିଷ ମଧ୍ୟରେ ବି ନୁହଁ 

ଅସ୍ତ୍ରମାନଙ୍କ ମଧ୍ୟରେ ବି ନୁହଁ 

ତଥାପି ଚାଲିଛି ଯୁଦ୍ଧ ଖୁବ୍ ଘମାଘୋଟ

ଯୁଦ୍ଧ ଏଠି ଚଲୁଛି କରୋନା ଓ ଭୋକ ମଧ୍ୟରେ 

କିଏ ପ୍ରଥମେ ଜିଣିପାରିବ ସହସ୍ର ଲୋକଙ୍କ ଜୀବନକୁ 

ଦୁହେଁ ପୋଖତ ଯୋଦ୍ଧା ନିଜ ନିଜ ଯୁଦ୍ଧକଳାରେ 

ମଣିଷକୁ ଗ୍ରାସକରିବାର କୂଟନୀତିରେ

ଯୁଦ୍ଧ ଚାଲୁଛି ଧନ ଓ ଦରିଦ୍ରତା ମଧ୍ୟରେ 

ସଂଘରୋଧ ଓ କ୍ଷୁଧାରୋଧ ମଧ୍ୟରେ 

ଏକୋଇଶ ଦିନର ବଞ୍ଚିବା ଲକ୍ଷ୍ୟରେ

ଗୋଟେ ପଟେ ରୋଗ 

ତ ଅନ୍ୟ ପଟେ ଭୋକ 

କେହି କାହାକୁ ବାଟ ଛାଡିବାକୁ ନାରଜ 

ଉଭୟଙ୍କୁ ଜୀବନ ଦରକାର 

ମଜୁରିଆ,ଖଟିଖିଆ , ନୀରିହ ଲୋକଙ୍କ

ସେ କଣ କରିବ ଯେ 

ରୋଗ ଜିତୁ ଅବା ଭୋକ 

ଯେମିତି ହେଲେ ବି ସେ ମରିବ 

ରୋଗରେ ଅବା ଭୋକରେ 

ମୃତ୍ୟୁର ଆଲିଙ୍ଗନ ଛଡା ତାର ଆଉ କଣ ଅଛି ଯେ