ଯୁବକ ଓ ବୁଢ଼ା

ସେ କାଳ ଥିଲା ସେ ବେଳ ଥିଲା

କଳା ମଚ ମଚ ବାଳ ଥିଲା

ସେ କାଳ ଗଲା ସେ ବେଳ ଗଲା

କଳା ମଚ ମଚ ଧଳା ହେଲା,

ସେ କାଳ ଥିଲା ସେ ବେଳ ଥିଲା

ହାତୀ ଭଳିଆ ବଳ ଥିଲା

ସେ କାଳ ଗଲା ସେ ବେଳ ଗଲା

ହାତୀର ବଳ ମୂଷା ହେଲା

ସେ କାଳ ଥିଲା ସେ ବେଳ ଥିଲା

ଏ ମନ ଖାଲି ଉଡୁଥିଲା

ସେ କାଳ ଗଲା ସେ ବେଳ ଗଲା

ଏ ମନ ବିରସ ହେଇ ଗଲା

ସେ କାଳ ଥିଲା ସେ ବେଳ ଥିଲା

ମନଟା ଉଛନ ହେଉଥିଲା

ସେ କାଳ ଗଲା ସେ ବେଳ ଗଲା

ମନଟା ପୁରା ଝାଉଁଳିଲା

ସେକାଳ ଯିବ ସେ ବେଳ ଯିବ

ଆସୁଥିବ ଓ ଯାଉଥିବ

ନିୟତିର ମାୟା ଖେଳ ରେ

ସମସ୍ତ ଙ୍କୁ ବାନ୍ଧୁଥିବ