ଯୋଜନା ପରେ ଯୋଜନା#

ଧନ୍ୟ ତୁମ ଯୋଜନାକୁ

କିଏ ଜନ୍ମ ଦେଇଛି ତୁମକୁ

ନାରୀର ସମ୍ମାନ ରଖ କହି 

ନିର୍ଯ୍ୟାତନା ଦିଅ ସେମାନଙ୍କୁ

ମାତ୍ର ସାତ ଟଙ୍କା ସତୁରୀରେ

ଗୋଟିଏ ଶିଶୁକୁ ଦିଅ ଦାନା

ସେଥିରୁ ପାଞ୍ଚଟଙ୍କା ଗଲେ ଅଣ୍ତା

ବଳକା ରେ ହେବକି ଖଣ୍ଡେ କନା

ତଥାପି ତାଲିକା ଡାଲମା ସହ ଜଳଖିଆ

ପିଲାଙ୍କୁ ଦେବ ଦିଦି ଅତି ଯତନେ

ପରିବା ଆଣି କରିବ ଅଣ୍ଡା ତିଅଣ

ପୁଷ୍ଟିହୀନ ଶିଶୁ ନଦିଶୁ ଅଞ୍ଚଳେ ଦିନେ

କି କଥା ଭାବୁଛ ଆହେ ସରକାର

ତୁମ ଶିଶୁଙ୍କୁ ଦିଅ କି ଏମିତି ଖାଦ୍ଯ

ଏସ୍ ଏଚ୍ ଜି ର ନାମ ବଢାଇ ବଢାଇ

ଦେଉଛ ନିତି ତୁମେ ଅଖାଦ୍ୟ

ପାରିବ ଯଦି ଶୁଣ କାନ ଡେରି

ଆକାଉଣ୍ଟକୁ ପଠାଅ ତାଙ୍କ ଟଙ୍କା

ହିତାଧିକାରୀ ଙ୍କ ପାଟିରୁ ଶୁଣି ପ୍ରଶଂସା

ହେବ ସଭିଙ୍କର ମୁହଁ ବଙ୍କା

ଏସ୍ ଏଚ୍ ଜି ଗଢିଥିଲୁ ଅତି ଯତନେ

ଭୂଲିଗଲ କି ସେ ଉପକାର

ଆମକୁ ଅଞ୍ଚଳେ ଶତ୍ରୄ କରାଇବାକୁ

ଯୋଜନା ଗଢୁଛ ନାନା ପ୍ରକାର

ଦମ୍ ଅଛି ଯଦି ତୁମ ତୁଣ୍ତରେ ଆଜି

ଦେଖାଅ ତୁମର ପାରିବାପଣିଆ

ନାରୀଦଳ ସିନା ନୋହୁଁ ଦୁର୍ବଳ ଜମା

ସେତିକି ଥାଉ ତୁମ ସିଆଣିଆ

ଦେଇକି ପାରିବ ତୁମ ଏସ୍ ଏଚ ଜିଙ୍କୁ

ସଂପୁର୍ଣ୍ଣ ରନ୍ଧନ ଓ ବଣ୍ଟନ ଧନ୍ଦା

ଶହ ଶହ ଖାତା ପୂରଣ କରି କରି

ହେବନାହିଁ ଆମ ମୁଣ୍ଡବିନ୍ଧା