ଯଦି
ଯଦି
1 min
263
ଯଦି ଋତୁ ବଦଳିଲା ପରି
ଜୀବନଟା ବଦଳୁଥାନ୍ତା
ତେବେ ବୋଧେ କଷ୍ଟର ଅନୁଭୂତି
ଟିକେ କମି ଯାଆନ୍ତା !
ଯଦି ଶ୍ରାବଣର ବର୍ଷା
ଦୁଃଖ ସବୁକୁ ଧୋଇ ଦିଅନ୍ତା
ତେବେ ବୋଧେ ମଣିଷକୁ
ଶାନ୍ତିରେ ନିଦଟେ ହୁଅନ୍ତା !
ଯଦି ବସନ୍ତରେ ପତ୍ର ଝଡିଲା ପରି
ମଣିଷର ବୟସ ନ ଝଡନ୍ତା
ତେବେ ବୋଧେ ଜିଇଁ ରହିବାର
ଆଶା ବି ବଢ଼ିଯାଆନ୍ତା !
ଯଦି କଳା ମେଘର ମାଳା
ଆକାଶ ଦେହରେ ନ ଥାନ୍ତା
ତେବେ ବୋଧେ ଚେହେରାଟା
ସଦାବେଳେ ହସୁଥାନ୍ତା !
- ଗୁପ୍ତେଶ୍ଵର ନନ୍ଦ
ଶଙ୍କରା, ବିନିକା, ସୁବର୍ଣ୍ଣପୁର