" ନିଜକୁ ବୁଝିବାର ବୁଝେଇବାର ନିଆରା ମାପକାଠି "

ଛାଇଟା ଯଦି !!!

ଲୁହ ଆଉ କୋହରେ 

ଭାଗ ବସେଇ ପାରୁଥାଆନ୍ତା.....

ଆଉ ଗୋଟେ ମୁଁ ର ଅଭାବ ଚିତ୍କାର କରୁନଥାନ୍ତା ॥

ନିଃଶ୍ୱାସଟା ଯଦି !!!

ବୋଲ ମାନୁଥାଆନ୍ତା....

ନିର୍ଲ୍ଲଜ ସ୍ପନ୍ଦନର ଅଲୋଡା

ବିଷୈଳୀ ରକ୍ତ ଚୁମ୍ବନ ହୃଦୟକୁ

ମୃତବତ୍ ସ୍ଥାଣୁ କରିପାରିନଥାନ୍ତା ॥

ସମୟଟା ଯଦି !!!

ଦରଦୀବନ୍ଧୁଟିଏ ହେଇଥାଆନ୍ତା....

ସ୍ୱାର୍ଥୀ ସ୍ୱେଚ୍ଛାଚାରୀଙ୍କ ହାଟରେ,

ଜୀଇଁବାର ଭୟ ତଟସ୍ତ କରୁନଥାନ୍ତା॥

ଭରସା ଗୁଡାକ ଯଦି !!!

ଜୀବନ୍ୟାସ ପାଇପାରୁଥାଆନ୍ତେ.....

ହସଖୁସିର ମୁଖା ଆଢୁଆଳରେ

ବାସ୍ତବଟା ଅଯଥା ସାଜୁନଥାନ୍ତା॥