ଉତୁରି ଯାଉ ମୋ ବତୁରା ସ୍ୱପ୍ନ

ସ୍ୱପ୍ନ ରେ ତୁମେ ଥାଅ ବୋଲି ମୋର

ସ୍ୱପ୍ନ ରଙ୍ଗୀନ୍ ହୁଏ ।

ସେ ରଙ୍ଗରେ ଭିଜି ନିଜେ ଯାଏ ହଜି

ସାରା ରାତି ପାହିଯାଏ।

ରାତି ବେଶିହେଲେ ଅବଶ ଆଖିରେ

ତନ୍ଦ୍ରା ପିଟଇ ମଥା ।

ହୃଦୟ ବୁଝେନା ଝୁରେ ତୁମବିନା

ଚାପି ମନ ତଳ ବ୍ୟଥା ।

ଅନ୍ଧାର ରାତି ର ସପନ ସମ୍ଭାର

ଖୋଜେ ପ୍ରିୟତମ କୋଳ ।

ପଲକ ପଡେନି ସପନ ସରେନି

ଜଣାପଡେନାହି ବେଳ।

କେତେଥର ଏଇ ସପନ ସହରେ

ବୁଲିଛି ତୁମରି ସାଥେ ।

ପାହାନ୍ତାସପନ ସତହୁଏଯଦି

ଆଯି କାହିଁ ଏକା ଲାଗେ ମତେ।

ଆଖିବୁଜି କେତେ ସପନ ଦେଖିଛି

କେବଳ ତୁମକୁ ନେଇ ।

ଆଜି କାହିଁ ତୁମ ନିଆରା ରୂପଟେ

ସପନେ ଆସେ ଓହ୍ଲାଇ ।

ରଙ୍ଗୀନ ହେଉ କି ହେଉ ବିନା ରଙ୍ଗ

ମୋ ସ୍ୱପ୍ନ ରେ ଥାଅ ରହି ।

ଉତୁରି ଯାଉ ମୋ ବତୁରା ସ୍ୱପ୍ନ

ଆଖିର ପଲକ ଡେଇଁ ।।