ଉତୁରା ପେଜ

ହୁଁ ସ୍ମୃତି ଗୁଡା ଏମିତି ପା

ଟିକେ ଉଖାରି ହୋଇଗଲେ

ହାବୁକା ହାବୁକା

ନଳ କୂଅ ବସିବା ବେଳର

ପାଇପ ପାଣି ପରି

ବାହାରି ଆସିବ

ବତୁରେଇ ଦେବ ମନ

ଜୀବନ

ଟିକେ ଦରଜ ଦେବ

ମିଠା କିନ୍ତୁ ପାଟିରେ ଗୁଂଜିଦେଵ ପୁଳେ।

କଅଁଳ ଖରାର ଧାସ

ପିଠି କରି ପୁଆଉ ଥିବା ବେଳେ

ଯଦି ହାବୁଡ଼େ ପଡିଗଲା ସେଦିନର ଗୋଟିଏ ଗାମୁଛା ଏମୁଣ୍ଡ ସେ ମୁଣ୍ଡର

ଦୁଇ ବନ୍ଧୁ

ଆଉ କଣ ଥୟ ହେବ

ଏ ଅମାନିଆଁ ହୃଦ

ହୋଇଯିବ ଗଦ ଗଦ

ଛାତି ଚିରି

ବାହାରି ଆସିବ

ଗଲା ଦିନର

ସାଇତା କଥା

ଉତୁରି ପଡିବ ଢ଼ାଙ୍କୁଣୀ

ପେଲି ପେଜ।

ତେଣିକି

ଲେଖି ହେବନି

କେବଳ ଅନୁଭବ

ଭାସୁଥିବେ ଆଖି ଲାପ୍ ଟପ୍ ରେ

ଚାଟୁ ଥିବ ଲଟର ପଟର

ସ୍ୱାଦ ଯୁକ୍ତ ଭାଵ

କେତେ ପଛକୁ ଫେରି ଯାଉଥିବ ମନ

ଶରୀର କିନ୍ତୁ

ଠିଆ ହୋଇଥିବ ବର୍ତ୍ତମାନରେ

ଷ୍ଟାଚ୍ୟୁ ପରି

ଫେରି ପାରୁ ନଥିବ ସ୍ଥୂଳ ଶରୀର

ଫେରୁଥିବ କିନ୍ତୁ

ସୂକ୍ଷ୍ମ ମନ ଆତ୍ମା।