ଉତ୍କଳ ମାତା

ଉତ୍କଳ ମାତା ତୋ ଚରଣେ କୋଟି ପ୍ରଣତି ମୋହର

ତୋରି ପାଣି ପବନେ ଗଢା ମୋର ଶରୀର

ଉତ୍କଳ ମାତା ତୋତେ ସେବା ନିତି କରିବି

ଉତ୍କଳ ଜନନୀ ତୋ ଗୁଣ ଗାନ ସବୁଠି କରିବି

ତୋରି ଶ୍ରୀକ୍ଷେତ୍ରରେ ପ୍ରଭୁ ଜଗନ୍ନାଥ ନିତି ପୂଜା ପାଉଛନ୍ତି

ବାର ମାସେ ତେର ଯାତ୍ରା ଉତ୍କଳେ କରନ୍ତି

ମୋ ଉତ୍କଳ ମାଟି ପବିତ୍ର ହୋଇଛି

କେତେ ସାଧୁ ସନ୍ଥ ଏଠି ପୂଜା ପାଆନ୍ତି

ଉତ୍କଳ ମାଟିରେ ମହା ନଦୀ ବହି ଯାଉଛି

ଆମ ଧର୍ମ ସଂସ୍କୃତିର ଧ୍ଵଜା ସବୁଠି ଉଡ଼ୁଛି

ରଜ ପର୍ବ ଆମର ନିଆରା ଲାଗୁଛି

ରଜ ଦୋଳିରେ ଓଡ଼ିଆ ଝିଅ ଝୁଲୁଛି

ସବୁ ପର୍ବ ଆମର ଉତ୍ସାହ ଭରି ଦେଉଛି

ଆମ ଭିତରେ ଏକତା ଭାଇଚରା ସେ ଆଣୁଛି

ଗଙ୍ଗା ଠାରୁ ଗୋଦବରି ଆମ ଉତ୍କଳ ବ୍ୟାପି ଥିଲା

ବିଦେଶୀ ଶାସନ ଉତ୍କଳବାସୀଙ୍କୁ ଯାତନା ଦେଲା

ପାଇକ ବିଦ୍ରୋହ ଆମ ଉତ୍କଳେ ଦିନେ ହୋଇଥିଲା

ବକ୍ସି ଜଗବନ୍ଧୁ ଜୟୀ ରାଜଗୁରୁଙ୍କ ସ୍ୱର ଦିନେ ଉଠି ଥିଲା

ମଧୁ ବାବୁ ଆମ ଉତ୍କଳ ସମ୍ମିଳନୀ କରିଥିଲେ

ନିଜ କାବ୍ୟ କବିତାରେ ଜନତା ପ୍ରତି

ଓଡ଼ିଆଙ୍କୁ ଜାଗ୍ରତ କଲେ

ଉଠ ଉଠ ରେ ଉତ୍କଳ ସନ୍ତାନ ଉଠିବୁ 

ତୁ କେତେ ଦିନେ

ପୂରୁବ ଗୌରବ ପଡ଼ୁ ନାହିଁ କିରେ ତୋର ମନେ

ସ୍ଵଭାଵ କବି ଗଙ୍ଗାଧର କବିତାରେ ମାତୃଭାଷାର ମହତ୍ତ୍ୱ ବୁଝାଇଲେ

ନିଜ ମାତୃ ଭୂମି ମାତୃ ଭାଷାକୁ ବଞ୍ଚାଅରେ ଓଡ଼ିଆ ଆହ୍ୱାନ ଦେଲେ

ଏପ୍ରେଲ ପହିଲାରେ ଆମ ଉତ୍କଳ 

ସ୍ଵତନ୍ତ୍ର ପ୍ରଦେଶ ହୋଇଲା

ଭାରତ ମାନଚିତ୍ରରେ ସ୍ଥାନ ସେ ପାଇଲା

ଆମେ ଓଡ଼ିଆ ହୋଇ କେବେ ହାରି ନ ଯିବା

ଆମ ଉତ୍କଳର ଆମ ଭାଷାର ମାନ ରହିବା