ଉପହାର ଲୁହର
ଉପହାର ଲୁହର
ଚମତ୍କାରିତାର ଦରଜା ଖୋଲି
ହସ ଆଉ ଲୁହକୁ ଉପହାର ସ୍ୱରୂପ
ଧରେଇ ଦେଇ ମୋ ହାତରେ
ଚାହିଁ ରହିଥିଲ ସେଦିନ
ହସ ଆଉ ଲୁହ ମିଶା ଛଳଛଳ ଆଖିରେ..।
ହଠାତ୍ ଯେମିତି ଝରିପଡିଲା
ବାସ୍ନାବିଭୋର ସେ ଝରାଫୁଲର ପାଖୁଡା ସବୁ।
ଛୁଇଁଗଲା ନୂଆ କିଛି ଶୀହରଣ
ହୃଦୟର କୋଣାନୁକୋଣକୁ।
ନାଚି ଉଠିଲା ମନର ମୟୂର
ସତେ ଯେମିତି ତୁମେ କଳାମେଘ।
ଫୁଟିଉଠିଲେ ସେ ଅର୍ଦ୍ଧ ପ୍ରସ୍ଫୁଟିତ ଫୁଲମାନେ।
ମହକି ଯାଉଥିଲା
ଆମେ ଏକାଠି ହୋଇଥିବା ଜାଗା ବି
ପ୍ରଥମ ବର୍ଷାର ମାଟି ବାସ୍ନା ପରି।
ହେଲେ ସେତେବେଳକୁ ଭିଜିସାରିଥିଲେ ଆମେ ଦୁହେଁ
ପରସ୍ପରରଙ୍କ ଆଖିର ଲୁହରେ ।
ଅପେକ୍ଷାର ଅନ୍ତ ଘଟିଥିଲେ ବି
ଆମେ ଦୁହେଁ ହୋଇସାରିଥିଲେ ଆଉ କାହାର
ଇଚ୍ଛାକୁ ମନ ତଳେ ସମାଧି ଦେଇ
ଆଲିଙ୍ଗନ ବି କରିପାରିଲିନି ତୁମକୁ ।
ମନ ଭିତରୁ ଚିତ୍କାର ଶୁଭୁଥିଲା
ତୁମେ ଫେରିଯାଅ ତୁମେ ଫେରିଯାଅ
ତୁମ ବର୍ତ୍ତମାନକୁ ଆଉ ମୁଁ ବି