ଉଧୁଳିଆ

ଭଲ୍ ପାଏବାର୍ ରେ କାଣା,ଏତେ ତାକତ୍ ଥିସି

ପିଲା,ଟୁକେଲ୍ ପଲାସନ୍ ଉଧୁଳିଆ, 

ମାଆ,ବୁଆର୍ ପେରେମ୍ ବିଷ୍ ହେଇ ଜାଏସି

ହେତିର୍ ଲାଗି ପଲସନ୍ କାଏଁ ଉଧୁଳିଆ ?

ଛୁଆ ନୁ ବଡ୍ ହେବାର୍ ତକ୍ ମାଆ,ବୁଆ

ନିଜର୍ ପିଲା,ଟୁକେଲ୍ କେ ପାଇଥିସନ୍ ଭଲ୍,

ତାକର୍ ପେରେମ୍ ରେ କାଣା କମିଥିସି ଯେ

ଉଧୁଳିଆ ଯିବାର ଲାଗି ହେଇ ଜାଏସନ୍ କଲବଲ୍ ?

ଘର୍ ଛାଡିକରି ପିଲା ,ଟୁକେଲ୍, ପ୍ରେମି ଯୁଗଲ୍

ନେଉଥିସନ୍ କେତିନି କେତେ ମଜା,

ନାଇଁ ବୁଝି ପାରତ୍ ମାଆ,ବୁଆର୍ ଦୁଃଖ୍

ପାଉଥିସନ୍ କେତେ ଯେ ସଜା ।

ଭଲ୍ ପାଏବାର୍ ରେ ଯଦି ବହୁତ୍ ତାକତ୍ ଥିସି

ମାଆ,ବୁଆର୍ ପେରେମ୍ କାଏଜେ ହଜି ଜାଏସୀ 

ଦୁଇ ଦିନର୍ ଦେଖା,ଚାହାଁ ପିଲା,ଟୁକେଲ୍ ପେରେମ୍

ମାଆ,ବୁଆର୍ ଜୀବନ୍ ବିଷ୍ କରିଦେସି ।

ମାଆ,ବୁଆର୍ ସବୁ ସପନ୍ ମାଟି ମିସି ଗଲା

ପିଲ୍,ଟୁକେଲ୍ ଯେଭେ ଉଧୁଲିଆ ଭାଗ୍'ଲା

କୋଡିଏ,ପଚିଶ୍ ବରଷ୍ ମାଆ,ବୁଆର୍ ପେରେମ୍

ସବୁ କେ କେନ୍ତା ମନୁ ପାସିରି ଦେଲା ?

ମାଆ,ବୁଆ ଲେଖେ ପେରେମ୍ ନାଇଁ ଦେଇପାରେ କେହି

ଯାହାକେ କହେବେ ତାହାକେ ବିହା ହେବ,

ଉଧୁଲିଆ ନାଇଁ ପଲାବ କେହି

ଉଧୁଲିଆ ନାଇଁ ପଲାବ କେହି ।