ତୁମର ବିବେକ କହିବ

କେଡେ ସହଜରେ କହିଦେଲ ତୁମେ   

      ମୋତେ ଭୁଲିଯାଅ ବୋଲି

କେମିତି ଭୁଲିବି ତୁମକୁ ଗୋ ପ୍ରିୟେ

        କହିଦିଅ ମନ ଖୋଲି ।

ପ୍ରେମ କରିଅଛି ପ୍ରେମ କରୁଅଛି

      ପ୍ରେମ ବି ମୁଁ କରୁଥିବି

ତୁମ ପାଇଁ ସିନା ସହଜ ହୋଇଲା

     କେମିତି ଯେ ମୁଁ ଭୁଲିଯିବି ।

ଧନୀ ସାଥିଟିଏ ମିଳିଗଲା ବୋଲି

     ମୋ ପ୍ରେମ କୁ ଭୁଲିଗଲ

ଭୁଲିବାର ଯଦି ତୁମ ମନେଥିଲା

     ମୋ ମନକୁ କିଆଁ ନେଲ ।

ପ୍ରେମ ବଦଳରେ ପ୍ରେମ ଗୋଟିଏ

       ତୁମେ ସିନା ପାଇଗଲ

ମୋର ପ୍ରେମ କୁ ହତାଦର କରି

     ମୋତେ ତୁମେ ମାରିଦେଲ ।

ଯେଉଁଠାରେ ଥାଅ ଯେମିତି ବି ଥାଅ

      ମୋର କଥା ମନେପଡିବ

ମୁଁ ଯେ ତୁମର ପ୍ରଥମ ପ୍ରେମିକ

      ତୁମର ବିବେକ କହିବ ।