ତୁମେ

ତୁମେ ମୋର ପ୍ରିୟତମା ପ୍ରେମ ସନ୍ନ୍ୟାସିନୀ

ଅଗାଧ ପ୍ରୀତି ସିନ୍ଧୁରେ ଅମୀୟ ଉଦକ। 

ରସବତୀ ଲଳନା ଲୋ ଅପୂର୍ବ କାମିନୀ

ନିଵାର ମଦନଜ୍ଵାଳା ରମଣ ମାଦକ । । 

ତୁମେ ମୋର ଅଙ୍କଲକ୍ଷ୍ମୀ ନଵୀନା ତରୁୁଣୀ

ପ୍ରେମଭିକ୍ଷା କରୁଅଛି ହୃଦୟେ ଯାଚନା

ତୁମ ଅଗ୍ରତରେ ମୁହିଁ ଆଜୀବନ ଋଣୀ

କରୁୁଛି ପ୍ରଣୟ ଦେବ ଦିିିିବ୍ୟ ଅରଚନା । । 

ପ୍ରେମ ପଥେ ପଥିକ ମୁଁ ରସିକ ନାଗର

ତୁମେ ମୋ ଚହଟଚମ୍ପା ଆଗୋ ଘନକେଶୀ

ମଞ୍ଜୁମୟ ସମ୍ଭାଷଣେ ମନ ତୃପ୍ତ କର

ଥୟ ଧରି ନ ପାରିବି ଆଉ ମୁହିଁ ବେଶି । । 

ଆନ୍ଦୋଳିତ ହେଉଅଛି ତୋର ବିରହୀତେ

ଏ ମୋର ବ୍ୟାହତ ମନ ହୁଏ ନିରୁତ୍ତର 

ନିଃଶ୍ଵାସ ପ୍ରଶ୍ୱାସ ହୃଦ ସ୍ପନ୍ଦନ ସହିିତେ

ଅବରୁଦ୍ଧ ହୋଇଗଲା ଚିନ୍ତନେ ତୋହର । । 

ତୁହି କିବା ଜାଣୁ ସଖୀ ଅନ୍ତର ଯାତନା ?

କ୍ଷତ ଵିକ୍ଷତ କରୁଛି ଆତ୍ମା ଅନୁକ୍ଷଣେ 

ବିଦୀର୍ଣ୍ଣ କରୁଛି ମନ ହୁଏ ଆନମନା 

ଏ ହୃଦୟ ଫାଟି ଯାଏ ତୋର ଵିସ୍ମରଣେ ।।