Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Bauribandhu Lenka

Others


3  

Bauribandhu Lenka

Others


ତୁମ ଇଚ୍ଛାର ଖେଳଣାଟିଏ  ମୁହିଁ

ତୁମ ଇଚ୍ଛାର ଖେଳଣାଟିଏ  ମୁହିଁ

1 min 21 1 min 21

ତୁମ ଇଚ୍ଛାର ଖେଳଣାଟିଏ ମୁହିଁ

ତୁମେ ଯେପରି ନଚାଅ ନାଚୁଥାଏ

କନ୍ଦେଇଲେ କାନ୍ଦେ ହସେଇଲେ ହସେ

ତୁମ ଇଙ୍ଗିତକୁ ସଦା ଚାହିଁଥାଏ

ତୁମ ଇଚ୍ଛାର ଖେଳଣାଟିଏ ମୁହିଁ ।


ଘର ପରିବାର ସଖା ସହୋଦର

ଯାହାଙ୍କୁ ମୁଁ ଭାବେ ସବୁ ମୋର

ସବୁ ମିଛମାୟା ଅଢେଇ ଦିନିଆ

ଏହି ଭବ ରଙ୍ଗଭୂମି ଦେଖୁଥାଏ

ତୁମ ଇଚ୍ଛାର ଖେଳଣାଟିଏ ମୁହିଁ ।


ମୁଁ ଛାର ମଣିଷ ତୁମେ ଜଗଦୀଶ

ମୁଁ ଯେ ମୃତ୍ୟୁର୍ମୁଖୀ ତୁମେ ଅବିନାଶ

ତୁମେ ପ୍ରଜ୍ଜ୍ୱଳିତ ହୁତାଶନ ବହ୍ନି

ମୁଁ ଯେ ପ୍ରଲୋଭିତ ପତଙ୍ଗଟିଏ

ତୁମ ଇଚ୍ଛାର ଖେଳଣାଟିଏ ମୁହିଁ ।


ମୁଁ ଯେ ଜୀବନ ଜୀବିକା ମଧ୍ୟେ ପଶି

ପ୍ରତି ମୁହୂର୍ତ୍ତରେ ହେଉଅଛି ପେଷି

ତୁମେ ଇଚ୍ଛାମୟ ଯଦି ଇଚ୍ଛା କର

ଶ୍ରୀଚରଣ ତଳେ ଦିଅ ଆଶ୍ରାଟିଏ

ତୁମ ଇଚ୍ଛାର ଖେଳଣାଟିଏ ମୁହିଁ ।


Rate this content
Log in