ତୁ ମୋର ଦେଶ

ତୁ ମୋର ଦେଶ, ତୁ ମୋର ମାଟି

ତୁ' ହିଁ ମୋର ଜନମ ଭୂଇଁ

ତୋହରି ପାଇଁ..ମା

କେତେ ଦେଶ ପ୍ରେମୀ

ଦେଇ ଗଲେ ପ୍ରାଣ ବଳି |

ମା ତୋ ସେବା ମୁଁ କରୁଥିବି 

ମାଆ ଗୋ ତୋହରି ସେବା ମୁଁ କରୁଥିବି 

ରହିଥିବ ଯେତେ ଦିନ

ଦେହରେ ମୋର ପ୍ରାଣ ଏହି |

ତୋ ସେବା କରୁ କରୁ ଯଦି ମୁଁ କେବେ

ଏହି ଦୁନିଆରୁ ବିଦାୟ ନିଏ

ତେବେ ତୁ ଜମା ମନ ଦୁଃଖ କେବେ 

କରିବୁ ନାହିଁ

ପୁଣି ଥରେ ମୁଁ ତୋ'କୋଳେ 

ଜନମ ନେବି ଗୋ

ତହରି ସେବା କରିବା ପାଇଁ |

ଦିନେ ଫୁଲ ଟିଏ ହୋଇ

ଫୁଟି ମୁହିଁ ମା ଗୋ

ତୋ ଦେହରେ ବାସୁଥିବି

ଧୂସର ଭୂଇଁରେ, ସବୁଜ ଘାସ ହୋଇ

ଏହି ମୋ ଦେଶରେ 

ପ୍ରଗତି ଓ ସମୃଦ୍ଧିର ପ୍ରତୀକ ହେବି |

ଦିନେ ନଦୀ ଟିଏ ହୋଇ

ବହି ବହି ମୁହିଁ

ପାଦ ତୋର ଧଉ ଥିବି

ତୋ ଦେହର ମଳି ଆଉ କଳଙ୍କ

ସବୁ ମୋ ଦେହରେ ହଜେଇ ଦେବି |

ଶେଷ ଇଚ୍ଛା ମୋର

ପୂଜିବି ମୁଁ ତୋତେ, ସେ ଥର

ଏହି ମୋର ଜୀବନରେ 

ଏତିକି ଆଶିଷ ମାଗୁଛି ମା'ଗୋ 

ପୁରା କର ମୋର ଥରେ

ତର ପାଦ ସେବା କରି ଆସୁଥିବି 

ମୁହିଁ ଜନମି ତୋହରି କୋଳେ |