ଟୁକେଲ୍ ଦେଖା

ବୁଆ କଲାନ ବଡା ଚିନ୍ତା

 ପୁଓ ହେଲାନ ଭେଡିଆ,

ଟୁକେଲ୍,ଟୁକାଲ୍ ଗୁଟେ ଦେଖି

ବିହା କରିଦେତି ବଢିଆ ।

ବନେ ଟୁକେଲ୍ ଟେ ମିଲ୍'ତା ବଏଲେ

କରିଦେତି ଝାଏକରି ବିହା,

କେତେ ନୁରା ଖୁଜା ଚାଲିଛେ

ପିଲା ହେବାବଲି ବିହା ।

କୁନୁଆ ପାତି,ସାଙ୍ଗ୍ ସାଥି

ସବ୍'କୁ କଲାନ ହୁରା ଜାରି,

ଟୁକେଲ୍ ଗୁଟେ ଖୁଜି ଦିଅ

ତମ୍ କୁ କରୁଛେ ହୋ ଗୁହାରୀ ।

ମାଏନ୍,ବେଭାର୍ ବନେ ଦଉଥିବା

ସମ୍' କୁ ମାନି ଗୁନି,ଚଲୁଥିବା,

ବଡ୍'କେ ବଡ୍,ସାନ୍ କେ ସାନ୍

ଆଦର୍ ପେରେମ୍ କରୁଥିବା ।

ଗାଁ'ନୁ ସହର୍ ଚାଲ୍'ଲା ନୁରା ଖୁଜା

ବନିହାଁ ଟୁକେଲ୍ ଦେଖା, 

ପୁଓ ବିହା ହେବା କହିକରି

ଚାଲିଛେ ଟୁକେଲ୍ ଦେଖା l