ଟିକି ଶିଶୁଟି ମୁଁ

ସମସ୍ତେ କୁହନ୍ତି ଟିକି ଶିଶୁଟି

ଗୁଲୁରୁ ଗୁଲୁରୁ ମୋର କଥାଟି

ଯୁକ୍ତାକ୍ଷର ନୁହେଁ ମୋର ଶବ୍ଦଟି

ଟିକି ଶିଶୁଟି ମୁଁ ଟିକି ଶିଶୁଟି ।

ନୁହେଁ ଅଭିଧାନ ମୋର ଶବ୍ଦଟି

ବା ଓ ମା ଡାକଇ ନୀତି ମୁହିଁଟି

ଜେଜେ ଓ ମାଙ୍କର ମୁହିଁ ସାଥିଟି

ଟିକି ଶିଶୁଟି ମୁଁ ଟିକି ଶିଶୁଟି ।

ଥୁକୁଲୁ ଥାକୁଲୁ ଚାଲି ମୋରଟି

ଖିଲି ଖିଲି ହସ ମୋର ମୁହଁଟି

ଦୁଃଖିର ଦୁଃଖ ମୁଁ ନେଇ ଯାଏଟି

ଟିକି ଶିଶୁଟି ମୁଁ ଟିକି ଶିଶୁଟି ।

ବାଲି ନଟପଟ ଖେଳ ମୋରଟି

ହିଂସା ଓ କପଟ ଜାଣି ନାହିଁଟି

ମାଆର ପଣତ ମୋର ସ୍ୱର୍ଗଟି

ଟିକି ଶିଶୁଟି ମୁଁ ଟିକି ଶିଶୁଟି ।