ଟିକେ ଭୁଲ ପାଇଁ ଏତେ କରନା ହଟ

ଟିକେ ଭୁଲ ପାଇଁ ଏତେ କରନା ହଟ

ମନ ଘରେ ଜାଗା ଦିଅ ଜଗନା ବାଟ

.........ଟିକେ ଭୁଲ ପାଇଁ ଏତେ

        କରନା ହଟ ! ୦ !

ହସ ଦିନେ ବୁଣିଥିଲି ଫୁଟିବ ଫୁଲ

ଲୁହ ଆଜି ଛିଞ୍ଚିଦେଲି ଭୁଲନା ଗେଲ

ତୁମେ ମୋର ବଡ଼ ଅଛ ଭାବିନି ଛୋଟ

.........ଟିକେ ଭୁଲ ପାଇଁ ଏତେ

        କରନା ହଟ ! ୧ !

କେତେ କିଏ ଈର୍ଷା କରି କରିଲେ ପାଲା

ପ୍ରେମ ନଈ ସନ୍ଦେହରେ ମାରିଲେ ଢେଲା

ସେଥିଲାଗି ଫସିଗଲି ମିଛର ନାଟ

.........ଟିକେ ଭୁଲ ପାଇଁ ଏତେ

        କରନା ହଟ ! ୨ !

ସବୁ ଆଜି ବୁଝିଲିଣି ସତକୁ ମିଛ

ଭାବ ବେଶି ବଢ଼ିଗଲା ତୁମରି ପଛ

ମୋର ଲାଗି ବସା ନାହିଁ ନିନ୍ଦାର ହାଟ

.........ଟିକେ ଭୁଲ ପାଇଁ ଏତେ

        କରନା ହଟ ! ୩ !