ତ୍ରିରଙ୍ଗା

ଗର୍ବ କରେ ଆଜି ମୋଦେଶ ପାଳୁଛି

  ସ୍ଵାଧୀନତାର ଏ ପଞ୍ଚସ୍ତରି ବରଷ 

କେତେ ଯେ ଆନନ୍ଦ ଉତ୍ସବ ପାଳୁଛେ

  ମୋ ଦେଶର ଧ୍ବଜା ଉଡେ ହରଷ।

କାହିଁକି କେଜାଣି ପ୍ରଶ୍ନ ଉଙ୍କି ମାରେ

   ସତେକି ହୋଇଛେ ଆମେ ସ୍ୱାଧୀନ 

ନାରୀ ନିର୍ଯାତନା ବଳାତ୍କାରିକତା 

      ବଢିଚାଲିଅଛି ଦିନକୁ ଦିନ ।

ମୋ ଦେଶେ ଜନମି କେତେ ମହିୟସୀ 

  ମାତୃବନ୍ଦନୀୟ ମାଆ ଭଉଣୀ 

ତଥାପି ଆଖିରୁ ଅଶ୍ରୁସୁଖେ ନାହିଁ 

   ତ୍ରିରଙ୍ଗା ପାଖରେ କରେ ମାଗୁଣି ।

ମୋ ଦେଶ ଗୌରବ ଉଡେ ଫର ଫର 

  ମାତୃଭାଷା , ମାତୃଭୂମି ମହାନ 

ନାରୀ ଶକ୍ତି ମୟୀ ନୁହେଁ ନିର୍ଜତିତା 

   ଦିଅରେ ସର୍ବଦା ତାକୁ ସ୍ୱାଧୀନ ।