ତୋ ପଦେ ମିନତୀ

ଶାରଦେ ଅଭୟ ବରଦେ ମାତ

ସମାଜ ହେଉଛି ବଡ ଉନ୍ମତ୍ତ ।

ସଂସାରେ ପଡିଛି ମହା ବିପତ୍ତି

ଦେଖି ଶୁଣି ଛାତି ହୁଏ କରତି । 

ସୁଖ ଶାନ୍ତି ବଳି ପଡିଛି ଯହିଁ

ଜୀବନ ଜଞ୍ଜାଳ ପୁରିଛି ତହିଁ ।

ଘରେ ଘରେ ବିରାଜମାନ କଳି 

ଏତିକି ମାଆ ଗୋ କରୁଛି ଅଳି ।

ସଂସାର ଦୁର୍ଗତି ଖଣ୍ଡନ କର

ଦୁର୍ଗତିନାଶିନୀ ନାମ ତୋହର ।

ଯେସନେ ଖୁସି ତୋ ଅବତରଣେ

ଛାଇଯାଉ ଖୁସି ସବୁରି ମନେ ।

ସୁଖ ଶାନ୍ତି ବିରାଜମାନ ହେଉ

ସଂସାରୁ ଦୁଃଖ ଅପସରି ଯାଉ ।

ସମ୍ପର୍କ ନ ପଡୁ କେଉଁଠି ବନ୍ଧା

କେହି ନ ହୁଅନ୍ତୁ କା ପାଖେ ଛନ୍ଦା ।

ଆନନ୍ଦରେ ଦିନ ବ୍ୟତୀତ ହେଉ

ତୋର ନାମ ଧରି ଏ ଜୀବ ଯାଉ।