ତମେ ଅଛ ବୋଲି
ତମେ ଅଛ ବୋଲି
1 min
225
ତମେ ଅଛ ବୋଲି
ପକ୍ଷୀର କାକଳି
ରାବ ପଡ଼ଇ ଉଛୁଳି
ଆଖି ଦିଏ ମଳି
ଲେଉଟା ଗୋଧୂଳି
ସଞ୍ଜ ବତୀ ଉଠେ ଜଳି।
ତମେ ଅଛ ବୋଲି
ରାତି ଦି ଫସଲି
କଇଁ ଚାନ୍ଦ ସାଥେ ମେଳି
ଉଆଁସ ତିଥିରେ
ପୀରତି ବତୁରେ
ତାରା ହୁଏ ଝିଲିମିଲି ।
ତମେ ଅଛ ବୋଲି
ନଶ୍ୱର ଦେହରେ
କଳା ରଂଗ ମାଖି ଦେଲି
ସୂରିଲା ଯୌବନ
ପୁରିଲା ଜୀବନ
ତୁମ ପାଦେ ଅରପିଲି ।
ତମେ ଅଛ ବୋଲି
କଣ୍ଟା ଫୁଲ କଳି
ଦିଏ ସମ୍ପର୍କ ପାଖଳି
ଦିନ ସରି ଯାଏ
କଥା ରହି ଯାଏ
ତମର ମୁଁ ହେଇଗଲି ।
ତମେ ଅଛ ବୋଲି
ଖରା ଛାଇ ମେଳି
ଦୁଇ ପାଦ ମଧ୍ୟେ କଳି
କଳି ରେ କାଳିମା
କଲୋଳିତ ଵାମା
ତମର ମୁଁ ହେଇଗଲି ।