ତମାମ୍ ରାତି
ତମାମ୍ ରାତି
1 min
172
ଅଦିନ ବର୍ଷାରେ ଭିଜି ଭିଜି
ଧୋଇଦେବି ଯେତେ ଭିତରର କଳଙ୍କ କାଳିମା
ଭିଜିବି ମୁଁ ତମାମ୍ ରାତି
ମୋ ଉପରେ ପଡିଥିବା ପ୍ରତିଟି ଟୋପା
ଦିକ୍ ଦିକ୍ ଝଟକୁ ଥିବ
ଆଲୋକସ୍ନାତା ହୋଇ ଝୁମୁଥିବି ରାତି ତମାମ୍
ଇଚ୍ଛାମତୀର ପ୍ରଶ୍ନ ସବୁ ଶୋଇଯିବେ ଚିରଦିନ
ସର୍ବଶେଷ ଉତ୍ତର ପାଇ....
ନିର୍ବାକ ଚାହିଁ ଥିବି ମୋ ଉତ୍ତରଣର ଯାତ୍ରାକୁ
ଆକାଂକ୍ଷା ତ ଥିବ ଏ ରାତି ନପାହୁ
ଏ ବର୍ଷା ନ ସରୁ
କେବେ ପୂର୍ଣ୍ଣଚ୍ଛେଦ ନପଡୁ ଏଇ ସହବାସରେ
ହେଲେ ମୁଁ ତ ଭଲ ଭାବରେ ଜାଣେ
ଉପସଂହାର ନ ଲେଖିଲେ
ନୂତନ ଅୟମାଆରମ୍ଭ ହେବ ବା କିପରି ???