ତଲ୍ଲୀନ ମୁଁ ତବଠାରେ

ମଧୁର କାକଳି ତୁମେ ମୋ ମନ କୁଞ୍ଜରେ,
ସବୁଜ ଲହଡି ତୁମେ ମୋ ହୃଦ- କେଦାରେ ।

ତୁମେହିଁ ଉତ୍ତର ମୋର ସବୁ ଜିଜ୍ଞାସାର,
ତୁମେ ତ ପରମ ପ୍ରାପ୍ତି ସବୁ କାମନାର ।

ମୁଁ ତୁମ ବନ୍ଧୁ ମହାନ୍ତି ସାଲବେଗ ଭକ୍ତ ,
ବଳରାମ ଦାସିଆ ମୁଁ ରଘୁ ଅରକ୍ଷିତ ।

ଶ୍ରଶଣ କରୁଛି ତବ ବଚନ ଅମୃତ,
କୀର୍ତ୍ତନ କରୁଛି ଗୁଣ କାଳିଆ ସାଆନ୍ତ ।

ସ୍ମରଣ କରୁଛି ତୁମ ନାମର ରହସ୍ୟ,
ପଦ ଯୁଗଳରୁ ଧ୍ୟାନ ଛାଡିନି ନିମିଷ ।

କରୁଛି  ଅର୍ଚ୍ଚନ   ତବ  କରୁଛି  ବନ୍ଦନ,
ଏକାନ୍ତ ଭାବେ କରିଛି ଆତ୍ମ ନିବେଦନ ।

ବାନ୍ଧିଛି ତୁମକୁ ପୁଣି ଦାସ୍ୟରେ ସଖ୍ୟରେ,
ତଲ୍ଲୀନ ମୁଁ ତବଠାରେ ନବଧା ଭକ୍ତିରେ ।

ତବ ଲାଗି ମୁକୁଳା ମୋ ହୃଦ-ସିଂହାସନ,
ମୋ ମନ ମନ୍ଦିରେ ଦେବ କର ପଦାର୍ପଣ ।

ଦୀପ୍ତିମୟ  କରିଦିଅ  ଅନ୍ତର  ପ୍ରଦେଶ,
ଜୀବନର ବାଟ ହେଉ ତବ ପାଖେ ଶେଷ ।

ଅପଲତା ଆରୁକ,
ମନୋହରପୁର, ମୟୂରଭଞ୍ଜ