ତି ତ୍ ଲି
ତି ତ୍ ଲି
ପ୍ରତୀକ୍ଷାର ଅନ୍ତ ଘଟାଇ ତିତିଲି
ପଡେ ଓଡିଶାରେ ଛିଣ୍ଡି
ପ୍ରଜାପତି ନୁହଁ ଚୁମିବ ଫୁଲକୁ
ଫିଙ୍ଗିଲା ଗଛ ଉପାଡି ( ୧ )
ଅତି ଭୟାନକ ବିକଟାଳ ରୂପ
ଦୁର୍ଦ୍ଦାନ୍ତ ସମୁଦ୍ର ଝଡି
ପ୍ରଚଣ୍ଡ ଧୋକ୍କାରେ ନିରୀହ ଜନତା
ପଡିଲେ ମାଟି କାମୁଡି ( ୨ )
ପବନର ବେଗ ଘଟାଇ ପ୍ରଳୟ
ତାଣ୍ଡବ ରଚିଲା ଭିଡି
ବର୍ଷା ପ୍ରକୋପରେ ଉପକୂଳବର୍ତ୍ତୀ
ଆଣ୍ଠେଇଲା ଝୁଣ୍ଟି ପଡି ( ୩ )
ଧୋଇ ପୋଛି ନେଲା ଗୋଲାପୀ ସ୍ୱପ୍ନକୁ
ସୁଖ ସଂସାର ଉଜାଡି
ହା ହା କାରେ ଶୁଭେ ଆର୍ତ୍ତ ତ୍ରାଣ ନାଦ
ବାତ୍ୟା ଗଲା ପରେ ଛାଡି ( ୪ )
ମହାବାତ୍ୟା ପୁଣି ଫାଇଲିନ୍ ହୁଡୁହୁଡୁ
ଅାସିଛନ୍ତି ବେଳ ଉଣ୍ଡି
ନଣ୍ଡା କରିଛନ୍ତି ଓଡିଶା ମୁଣ୍ଡକୁ
ଓଡିଆଙ୍କୁ ଦେଇ ଭଣ୍ଡି ( ୫ )
ଭଣ୍ଡି ଦେବ ସତ ବେଳ କାଳ ଉଣ୍ଡି
ନୋହୁଁ କିନ୍ତୁ ହୁଣ୍ଡା ହୁଣ୍ଡି
ଧ୍ୱଂସକାରୀ ନାମେ ପରିଚିତ ତମେ
ଏ ମା ମାଟି ସୃଷ୍ଟି ମଣ୍ଡି ( ୬ )