ସୂର୍ଯ୍ୟମୁଖୀ

ସୂର୍ଯ୍ୟମୁଖୀ ମୁଁ ନFରବେ ଫୁଟୁଛି 

              ଚାହିଁ ସେ ଉଜ୍ଜଳ ରେଖା 

ଜୀବନ ମରୁରେ ତୁମକୁ ଦେଖୁଛି 

                ଉଦିତ  ସୂର୍ଯ୍ୟ ଶିଖା  l 

ଗୋଟି ଗୋଟି ପୁଷ୍ପ ପଲ୍ଲଵ ମେଲିଛି 

                ତୁମକୁ ହିଁ କରି ଧ୍ୟାନ 

ତୁମରି ଆଶାରେ କଟାଇ ଦେଇଛି 

                ମୋର ପବିତ୍ର ମଧ୍ୟାହ୍ନ  l 

ଝରି ଯାଇଅଛି ତୁମ ପାଦ ତଳେ 

             ପାଖୁଡା ମୋ ଗୋଟି ଗୋଟି 

ଦେଲନାହିଁ ବେଳ ରଖିବା ପାଇଁ କି 

                ଆଦରେ ତାକୁ ସାଉଁଟି l 

ଅସ୍ତଗାମୀ ଚୂଳେ ଦେଖିଲି ତୁମକୁ 

                ଲିଭିଗଲ ମୋତେ ଚାହିଁ 

ଧୀରେ ଧୀରେ ମୋର ମୁହଁକୁ ଲୁଚାଇ 

                 ଲାଜେ ମୁଦି ହେଲି ମୁହିଁ l 

ଏବେ ବାନ୍ଧିଲାଣି ମୋହରି ସରଣୀ 

                ଦିଗହଜା ଗୋଧୂଳିରେ 

କରିଅଛି ଖାଲି ଅପେକ୍ଷା ଦେଖିବି 

                 ଆହୁରି ପ୍ରଭାତ ଥରେ  l