ସୁପରମ୍ୟାନ୍

ବହିରୁ ପଢିଛୁ ତୁମ କଥା ସୁପରମ୍ୟାନ୍,

ଟି.ଭି ରେ ଦେଖିଛୁ ତୁମ ସୋ ସୁପରମ୍ୟାନ୍ |

ଜେରୀଙ୍କ ମାନସପୁତ୍ର ତୁମେ ସୁପରମ୍ୟାନ୍,

ଜୋଏଙ୍କର ଅଭିନୟ ଅତି ଚମତ୍କାର |

ପିଲାଙ୍କର ଅତି ପ୍ରିୟ ତୁମେ ସୁପରମ୍ୟାନ୍,

ସାରା ବିଶ୍ୱରେ ରହିଛନ୍ତି ତୁମର ବହୁ ଫ୍ୟାନ୍ |

ଯେତେବେଳେ ଅସୁବିଧା ପଡିଥାଏ ଯାହାକୁ,

ସାହାଯ୍ୟର ହାତ ତୁମେ ବଢାଅତ ତାହାକୁ |

ଅସମ୍ଭବ କିଛି ନାହିଁ ତୁମ ପାଇଁ ଧରାରେ,

ସବୁ କାମ ଭଲ ତୁମ ଲାଗେ ଭାରି ତୋରାରେ |

ଭାରି ଭଲ ଲାଗେ ତୁମ କାମର ସେ କରଣୀ,

ତୁମ କାମ ଦେଖି ହୁଏ ଚକିତ ଏ ଧରଣୀ |

ଏବେ ଆମେ ଡାକୁଅଛୁ ଥରେ ତୁମେ ଆସ ତ,

କରୋନାକୁ ଏ ବିଶ୍ୱରୁ କରିଦିଅ ନିପାତ |

କେତେକେତେ ଫୁଲ ନିତି ପଡୁଅଛି ଝାଉଁଳି,

ଆସ ସୁପରମ୍ୟାନ୍ ସିଏ ନ ଯାଆନ୍ତୁ ମଉଳି |

ତୁମ ଅପେକ୍ଷାରେ ଏବେ ସାରା ବିଶ୍ୱ ରହିଛି,

ଆସ ସୁପରମ୍ୟାନ୍ ଆଉ ଡେରିକର କାହିଁକି ?