ସୁନ୍ଦର ତୃପ୍ତିରେ ଅଛି ଅବସାଦ

ସୁନ୍ଦର ତୃପ୍ତିରେ ଅଛି ଅବସାଦ

ପଦେ ପଦେ ରହି ଆସିଛି ବିପଦ

   ସତିୟ ଯୁଗରେ ଅପସରିଗଣ

    ଦେବତା ନିମିତ୍ତ ଚିତ୍ତ ବିନୋଦନ

ସାମାନ୍ୟ ତୃଟିରେ ଲଭେ ଅଭିଶାପ

ଦୁଃଖ କଷ୍ଟ ଶୋକେ କରନ୍ତି ସନ୍ତାପ

   ସତୀ ସୀତା ମାତା ବନେ ବନେ ଭ୍ରମି

   ଜୀବନ ବିତାନ୍ତି ପତି ଅନୁଗାମୀ

କୁରୂପା ରାକ୍ଷସୀ ଅଶୋକର ବନେ

କେତେ କଷ୍ଟ ଦେଲେ ମାତାଙ୍କ ଜୀବନେ

   ପ୍ରଜାନୁରଂଜନ ସୂର୍ଯ୍ୟବଂଶୀ ରାଜା

   ପରଖିଲେ ସତୀ ,ଖୁସି ହେଲେ ପ୍ରଜା

ମାତା ସର୍ବଂସହା ସହିବ ବା କେତେ

ସତୀ ସାଧ୍ବୀ ନାରୀ ପ୍ରବେଶିଲେ ଗର୍ତ୍ତେ

   ଅହଲ୍ୟା ଦ୍ରୌପଦୀ କୁନ୍ତୀ ମନ୍ଦୋଦରୀ ତାରା

   ସମସ୍ତେ ସୁନ୍ଦର ସତୀ କନ୍ୟା ପରା ? 

କେତେ ଯେ କଷଣ ଲଭନ୍ତି ଜୀବନେ

ଦୁଃଖ ଲାଗେ ,ଥରେ ପଡିଗଲେ ମନେ

   ରାଜା ରାଜେଶ୍ବର ଯୁଧିଷ୍ଠିର ଭାଇ

   ସନ୍ତାପିତ ହେଲେ ଯୁଆ ଖେଳ ପାଇଁ

ପ୍ରଭୁ ନାରାୟଣ କୃଷ୍ଣ ଅବତାରେ

କଷ୍ଟ ସହିଛନ୍ତି ଶିଶୁ ଅବସ୍ଥାରେ

   ମିଷ୍ଟ ପକ୍ବଫଳ କୀଟଦ୍ରଂଷ୍ଟ ଥାଏ

   କୀଟ କାଟିଥାନ୍ତି ସହଜ ଉପାୟେ

ସୁନ୍ଦର ଜୀବନ ନିଷ୍ପାପ ଅଟଇ

ଅତି ସହଜରେ କ୍ଷତି ସହିଥାଇ

   ଆତ୍ମତୃପ୍ତି ଲଭେ କଷ୍ଟ କରି ଜୀବ

   ଦୁଃଖ ପରେ ନିଶ୍ଚେ ଆନନ୍ଦ ପାଇବ ।