ସତ୍ୟମ ଶିବମ ସୁନ୍ଦରମ

ସଦା ସୁନ୍ଦରମ ସତ୍ୟମ ଶିବମ 

ଶିବାନୀ ସନାତନମ

ଶଶୀଧର ଶିବ ସଂହାର ଶଙ୍କର

ସଦାଶିବ ନମୋନମ ll

ଦେବଙ୍କର ଦେବ  ପ୍ରଭୁ ମହାଦେବ

ଭୈରବ ଭୂ ଧରାଧର

ଆଶୁତୋଷ ନାଥ  ପାର୍ବତୀଙ୍କ କାନ୍ତ

ଜଟାଧାରୀ ଗଙ୍ଗାଧର ll

ଶୁଦ୍ଧ ପୂତ ମନେ  ପବିତ୍ର ଜାଗରେ

ଭକ୍ତି ଭାବେ ଦୀପ ଜାଳେ

ମନର ତମସା ଦୂରୀଭୂତ ଆଶା

ଶିବ ମୁଣ୍ଡେ କ୍ଷୀର ଢାଳେ ll

ସତ୍ୟ ଚିରନ୍ତନ   ଧର୍ମ ଶିବ ଜାଣ

ସଂସାରରେ ମହାସତ୍ୟ

ଶିବ ହିଁ ସୁନ୍ଦର   ବାବା ମହେଶ୍ୱର

ବିନାଶ କର ଅସତ୍ୟ ll

ରକ୍ଷାରେ ସଂସାର  କଲ ବିଷ ପାନ 

ନୀଳକଣ୍ଠ ଦୟାଵାନ

ହୃଦୟ  ସୁନ୍ଦର  ଆଶୀର୍ବାଦେ ନର 

ହୋଇଥିଲେ ସମର୍ପଣ ll

ତୃତୀୟ ନୟନ  ଖୋଲ ତ୍ରିଲୋଚନ

ଦହନ କର ଅଜ୍ଞାନ

ଜ୍ଞାନର ସାରଥୀ ସଦା ସାଥି ହୋଇ

ଦିଅ ପ୍ରଭୁ ସଦଜ୍ଞାନ ll