ସତ୍ୟ

ଯୁକ୍ତ ବିଯୁକ୍ତର ସମର

ଏଥି ମଧ୍ୟେ ସବୁକ୍ଷେତ୍ରେ

ଆକାଶକୁ ଛୁଇଁବାର ଅଦମ୍ୟ ଆଶା

କେତେକାଂଶେ ସଫଳ

ବହୁତବାର ଘଟେ ନିରାଶା

ପରିଶ୍ରମର ଫଳ ପ୍ରାପ୍ତିର ଅବଦମିତ ଇଛା

ଭୁଲିଯାଏ

ଅଦୃଶ୍ୟରେ ଘଟିଯାଏ କେତେଯେ ହତାଶା

ପ୍ରକୃତି କରେ ପ୍ରତିରୋଧ

କାରଣ ଏହା ସମୟର ନିୟମରେ ବନ୍ଧା

ପାର୍ଥିବତା ସହିତ ଆତ୍ମିୟତା

ସେଥିରୁ ପୁଣି ଆରାମ ପାଇବାର ଆକାଂକ୍ଷା

ଭୁଲିଯାଏ ପ୍ରକୃତି ସର୍ବ ଶକ୍ତିମାନ

ଜଳବାୟୁ,ବାତ୍ୟା, ବନ୍ୟାର ସତର୍କ ଘଣ୍ଟି

ଶୁଣିକି ନଶୁଣିବାପରି ରହେ କୁପ ମଣ୍ଡୁକ ସମାନ

କବିତା ହୋଇଯାଏ ରେଳଗାଡ଼ିର ଶବ୍ଦ ମଧ୍ୟେ

ଶିଶୁର କୁଆଁ କୁଆଁ ରାବ