ସତ୍ୟ ବନ୍ଧୁତାର
ସତ୍ୟ ବନ୍ଧୁତାର
1 min
236
ରଙ୍ଗ ଭରା ତୂଳୀ
ଆଙ୍କିପାରେ
କେତେ ଯେ ଛବି
ପ୍ରଚ୍ଛଦ ପୁଣି ଅକୁହା କାହାଣୀ
ରଚିପାରେ କେତେ ଯେ ରଚନା
ଭାବହୀନ ଅବ୍ୟକ୍ତ ବେଦନା
ଅବା ସୁଖୀ ଜୀବନର ରମ୍ୟ
ଆଙ୍କିପାରେ କେତେ ଯେ କଳ୍ପନା
ହୃଦୟରୁ ଗୁଞ୍ଜରିତ ଧ୍ଵନିପ୍ରତିଧ୍ଵନି
ଗାରେଇ ହୋଇ ଚାଲନ୍ତି
ରଙ୍ଗସିକ୍ତ ଥୁଣ୍ଟା ମୁଣ୍ଡା
ପରିଣତ ତୂଳୀରେ
ଏକ ପଲ୍ଲବିତ
କୋମଳ ସ୍ପର୍ଶରେ...
କିନ୍ତୁ କେବେ ଦିଅନ୍ତନି ଆଘାତ କାହା ମାନ ସମ୍ମାନରେ
କିମ୍ବା ସଜାଇ ରଖିନଥାନ୍ତି
ମଖମଲ୍ ବିଛଣା
ସମବେଦନା ସାଉଣ୍ଟିବାର
ଭାଣ୍ଡବାଣୀ ନମ୍ର ବଚନରେ
ଥରେ ଯଦି ହେଜନ୍ତ କି ବନ୍ଧୁ !!
ଯାହା ଦେଖ ସ୍ୱଚ୍ଛ ଆଇନାରେ
ତାହା କିବା
ଅଙ୍ଗେନିଭା ସ୍ୱାକ୍ଷର
ସେଇ ସରଳ
ତମେ ଧୋକା ଦେଇଥିବା ବାନ୍ଧବୀ ଲୁହର!!!