ସତର୍କତା ଅବଲମ୍ବନ

ଅଶାନ୍ତ ଗ୍ରହକୁ ନେଇ ଆସିଛି କରୋନା

ତୋ କାନେ କହୁଛି ମିତ ଅବୁଝା ହୁଅନା ।

ବନ୍ଦ ସବୁ ବ୍ୟବସାୟ ବନ୍ଦ ବିଦ୍ୟାଳୟ

ଚଉଦିଗେ ଘେରେ ଦେଖ ବିଷାଦ ବଳୟ ।

ଲକ୍ଷ୍ମଣ ରେଖାକୁ ଯେବେ କରି ଯିବା ପାର

ଅକ୍ରୋଶେ ଜାଳିବ ତନୁ ହେବା କି କାହାର ।

ନିୟମ ମାନି ଚଳିବା ଶିଖାଇବା ପରେ

ଆମ୍ଭ ଯେ ଶିକ୍ଷିତ ଛାତ୍ର ଏ ଧରା ପୃଷ୍ଠରେ ।

ପରିଷ୍କୃତ ପରିବେଶ ଅତି ଶୋଭନୀୟ

ତା ସଙ୍ଗେ ବିଲୁପ୍ତ ବ୍ୟାଧି ଏ କଥା ଟି ଥୟ ।

ଏତେ ପାଶେ ଆସି ତୁହି କହିବୁନି ମୋତେ

ତୁହି ମୋ ପରମ ବନ୍ଧୁ କହୁଛି ରେ ତୋତେ ।

ବଞ୍ଚି ଥିଲେ ବାରବାର ହେଉ ଥିବ ଦେଖା

ଦୂରତା ମାପି ଚଳିଲେ କରୋନାରୁ ରକ୍ଷା ।

କାଲି ଯେବେ ଦେଖା ହେବ ପାଳିବୁ ନିୟମ

ଏଥିରେ ତ ଲାଗେ ନାହିଁ ଶକ୍ତି କିବା ଶ୍ରମ ।