ସତ କହିବି ନା ମିଛ କହିବି

ସତ କହିବି ନା ମିଛ କହିବି

  ଦୁଃଖ କହିବି ନା ସୁଖ କହିବି         

ଯାହା ହେଉଛି କହିବି ନା         

    ଯାହା ନହେଉଛି କହିବି  ।

        

ଏ ଦୁନିଆରେ ତ ସବୁହେଉଛି,

     

ସତ ସବୁ ଏଠିମିଛ ହେଉଛି            

  ମିଛ ସବୁ ଏଠିସତ ହେଉଛି           

ବଡ଼ବଡ଼ ଚୋର ଘୁରି ବୁଲୁଛି

 ସାନ ସାନ ଚୋର ବନ୍ଧା ଖାଉଛି ।

ଧନୀ ଯୋଜନାକୁ ଲୁଟି ନେଉଛି

    ଗରିବ ବାପୁଡା ଚାହିଁ ବସିଛି

କଳା ବଜାରୀ ଧନୀ ହେଉଛି

    ଚାଷୀ ଏଠି ଆଜି ବିଷ ଖାଉଛି ।

ତିନି ବର୍ଷର ଝିଅ ବଳତ୍କାର ହେଉଛି

     ବଳତ୍କାରୀ ଆଜି ଘୁରି ବୁଲୁଛି

ନାରୀ ଟିଏ ବୁଲିବାକୁ ଡରୁଛି

   କେମିତି ଚଳିବେ ମନେ ଭାବୁଛି ।

ମଦରେ ସାରାଦେଶ ଭାସୁଛି

    ମଦବେପାରି ଖୁସି ହେଉଛି

କେତେ କାନୁନ ଏଠି ରହିଛି

   ସବୁ କାନୁନ ଅନ୍ଧ ହେଇଛି ।

ଦୁନିଆଁ ରେ ଟଙ୍କା ବଡ଼ ହେଇଛି

    ମାନବିକତା ହଜି ଯାଇଛି

ସବୁ ସମ୍ଭବ ଅସମ୍ଭବ ହେଉଛି

    ଅସମ୍ଭବ ସମ୍ଭବ ହେଉଛି ।

ସବୁ ତ ଜାଣିଛ ମୁଁ ଆଉ ଅଧିକ କଣ କହିବି

          ହଁ ଏତିକି କହିବି,

ଏ ଦୁନିଆରେ ହାତେ ମାପି ଚଖଣ୍ଡେ ଚାଲିବ,

         କାରଣ,

ଏ ଦୁନିଆଁ ଟା ଗୋଓଓଓଓଓଓଲ ।