ସର୍ତ୍ତ

ଯଦି ପ୍ରେମରେ ବିରହର ଗୀତ ଗାଇବାର ଥିଲା,

କଣ ମାନେଥିଲା ସେ ପ୍ରେମର ପୂଜାରେ,

ଦିନ ଦିନ ଧରି ମନ୍ଦିରରେ ଘର କରିବାରେ ।

ବରଂ ଭଲ ହୋଇଥାନ୍ତା ,

ପ୍ରଥମରୁ ମୋତେ ତୁମେ କିମ୍ବା ମୁଁ ତୁମକୁ ଆପଣେଇ ନଥିଲେ,

ହୁଏତ ଆଜି ଏତେବଡ଼ ମହାଭାରତର ସୂତ୍ରପାତ ହୋଇନଥାନ୍ତା,

ମୁଁ ତ ମୋ ଜାଗାରେ ଭଲରେ ଥିଲି,

ଆଉ ତୁମେ ବୋଧେ ହେଲେ ଏମିତି କାହିଁକି ?

କିଏ ଦେବ ଏ ପ୍ରଶ୍ନର ଉତ୍ତର ତୁମରି "ସର୍ତ୍ତ "ର ,

ତୁମେ ଦେଖାଇଲ ଗୋଟେ କିନ୍ତୁ ଥିଲ ସମ୍ପୂର୍ଣ୍ଣ ଅଲଗା,

ଆବରଣ ଥିଲା ମିଛ ଅଭିନୟର ଖୁବ ଚିତ୍ତାକର୍ଷକ,

ମୁଁ ବି ଭଳି ଗଲି ଏଥିରେ ମୋହରାଟେ ହୋଇ ।

ଯାହାର ପରିଣାମ ଆଜି ମହାବିନାଶ ପଥର ମୁଁ ଯାତ୍ରୀ,

ନାଁ ଆଗରେ କେହି ମାର୍ଗଦର୍ଶକ,

ନାଁ ପଛରେ କେହି ଅନୁଗାମୀ,

ପୁଣି ଫେରିଛି ମୁଁ ପୁରୁଣା ସ୍ଥିତିକୁ ,

କେବଳ ତୁମରି ସେଇ ଗୋଟିଏ "ସର୍ତ୍ତ"ପାଇଁ ।।।