ସ୍ପର୍ଶ

ଝାଉଁଳିଗଲ ମୋ ପ୍ରଥମ ସ୍ପର୍ଶରେ

ପାଖକୁ ଗଲି ବସିଲି

ନିରେଖି ଦେଖିଲି ,

ଭାବିଲି ଛୁଇଁବି ନା ନାହିଁ

କାରଣ ତା ସହ ମୋ ଦେଖା

କାଳେ ଖରାପ ଭାବିବ

ପ୍ରଥମ ମିଳନର ଦିନ

ହୃଦ ହୁଏ ଛୁଇଁବାକୁ ମନ,

ହେ ଲାଜକୁଳୀ

କଣ ତୁମେ ଲାଜ କର

ରହି ହେଉନି ହାତ ବଢାଉଛି

ଖରାପ ଭାବିବନି ମୋତେ

ଏକ ଦୁଇ ତିନି ଛୁଁ... ଛୁଁ... ଛୁଇଁଦେଲି,

ସତେ ତୁମେ ଲାଜ କର ବେଶୀ

ହସି ଦେଲ ମୁରୁକି ମୁରୁକି

ଖୁସି ଲାଗୁଛି ତୁମ ସହ

ସମୟ କିଛି ବିତାଇବା ପାଇଁ,

ତୁମ ଭାବଭଙ୍ଗୀ ବଦଳାଇ ଦେଲା

ମୋ ଟିକି ସ୍ପର୍ଶ କିଛି ସମୟ ପାଇଁ |