ଜୀବନ ଯୁଦ୍ଧର ଚିତ୍ରପଟ୍ଟ

ଦୂର ପାହାଡ଼ର ପାଦଦେଶେ ଦେଖ,
                           ଶସ୍ୟ ଶ୍ୟାମଳ କ୍ଷେତ,
କୁଳୁକୁଳୁ ନାଦେ ବହିଯାଏ ନଈ,
                ପାଶେ ଛୋଟ ଏକ ପୋଖରୀ ଅତୀତ।
ସବୁଜିମା ଭରା ଏହି ଧରଣୀଟି ଦିଶେ କେଡ଼େ ସୁନ୍ଦର,
ହେଲେ ତା'ରି ଭିତରେ ଲୁଚି ରହିଅଛି,
                       ଜୀବନର ଯେତେ କଷ୍ଟ ଓ ଅନ୍ତର।
ଦିନ ଦ୍ୱିପହର ଟାଣ ଖରା ହେଉ କିମ୍ବା ଶ୍ରାବଣର ବର୍ଷା ଧାର,
ଶୀତ କାକରରେ ଥରୁଥାଏ ଦେହ,
                          ସହେ ପ୍ରକୃତିର କଠୋର ପ୍ରହାର।
ମୁଣ୍ଡ ଗୁଞ୍ଜିବାକୁ ସାହାରା କେବଳ ସେଇ ଛୋଟ ଚାଳିଆଟିଏ,
ଅଭାବୀ ସଂସାରେ ସ୍ୱପ୍ନ ଦେଖିବାକୁ ସେଇଠି ସାହସ ଦିଏ।
ନିତି ସଂଗ୍ରାମ ନିତି ସଂଘର୍ଷ,
                      ଏ ଯେ ଏକ ଜୀବନ ଯୁଦ୍ଧ,
ଭାଗ୍ୟର ଚକରେ ପେଷି ହେଉଥାଏ,
                           ମଣିଷର ଅକୁହା ଦୁଃଖ।
ହେଲେ ହାରିଯାଏନାହିଁ ଶ୍ରମିକର ବାହୁ,
                                  ନଇଁଯାଏ ନାହିଁ ମଥା,
ସେଇ କ୍ଷେତ ଆଉ ଖଳାରେ ହିଁ
                          ଲେଖାହୁଏ ତା’ର ଜୟଗାଥା।
******          *******          ***********