ସପନ ଝଲକ
ସପନ ଝଲକ
1 min
6.5K
ସପନ ଝଲକ ତମେ ପ୍ରିୟା ଯେବେ କହିଦେବ ମୋତେ
ଦେଇ ପାରିବି ମୁଁ ଜୀବନ
ତମ ଖୁସି ପାଇଁ ବରିନେଇ ପାରେ
ସବୁଦୁଃଖ ଆଉ କଷଣ ।
ତୁମରି ଓଠରେ ହସର ଜୁଆର
ସତେକି ପାରିବି ଖେଳାଇ
ତମ ମୃଦୁ ମୃଦୁ ହସକୁ ଦେଖିକି
ଯିବ ଦୁଃଖ ମୋର ମିଳେଇ ।
କିନ୍ତୁ ପ୍ରିୟା ମୁଁ ଯେ ଦେଖିନି ତ କେବେ
କେମିତି ଚିହ୍ନିବି ତୁମକୁ,
ସେଇ କଥା ଥରେ ଅଜାଣତେ ମୋର
ଶିଖାଇ ଦିଅମୋ ନିଦକୁ ।
ସ୍ଵପ୍ନ ଦେଇ ସିଏ ମୋତେ କହିଯିବ
ରୂପରେଖ ତୁମ କେମିତି
ସପନ ଝଲକ ପାଇଲେ ଜାଣ ମୁଁ
ମାନିନେବି ତୁମେ ସେମିତି ।
-ଗୁପ୍ତେଶ୍ଵର ନନ୍ଦ ଶଙ୍କରା ,ବିନିକା, ସୁବର୍ଣ୍ଣପୁର