ସଂସ୍କାରେ ରହୁ ସନ୍ତୋଷ ମନ

ହଳଦୀ କାଠୁଆ ସାତ ସପନ

ସଭିଙ୍କ ଆଦର ଝୀନ ବସନ 

ତୁଠ ପଥରରେ ଶିଉଳି ବନ 

ପାଶ୍ଚାତ୍ୟ ଶିକ୍ଷାରେ ରେବତୀ ମନ ||

ସହରୀ ମୋହରେ ପଲ୍ଲୀ ଜୀବନ 

ମଦରେ ରସିଛି ଯୁବକ ମନ 

ପେଣ୍ଟେଡ଼ ମେଡ଼ିସିନ୍ କରୁନି କାମ 

ଦୁଃଖେ ଥିବେ ନିଶ୍ଚେ ବ୍ୟାସ ମୋହନ ||

ସଙ୍ଗରୋଧେ ଅଛି ରଜ ଏସନ 

ମହାମାରୀ ଗ୍ରାସେ ଜନ ଜୀବନ

ଅସ୍ଥିର ହେଉଛି ଗରିବ ମନ 

ଲୁଟିଖିଆଙ୍କର ଜନମ ଦିନ ||

ସ୍ବର୍ଣ୍ଣିମ ମୂହୁର୍ତ୍ତ ସଂସ୍କୃତି ଆମ 

ଓଡ଼ିଆଙ୍କ ପ୍ରଥା ଭୂ-ଦେବୀ ସ୍ନାନ 

ରଜସ୍ବାଳା ପୃଥ୍ବୀ ବିଭୁଙ୍କ ଦାନ 

ବସୁନ୍ଧରା ବକ୍ଷେ ନବ ଜୀବନ ||

ପରମ୍ପରା ସାଥେ ଉତ୍କଳୀ ମନ 

ଅକ୍ଷୟ ରହୁ ସେ' ଶ୍ରଦ୍ଧା ସୁମନ

କୃପାରଖ ପ୍ରଭୁ ନନ୍ଦନନ୍ଦନ 

ସଂସ୍କାରରେ ରହୁ ସନ୍ତୋଷ ମନ ||