ସଂକଟ କାଳ-୩
ସଂକଟ କାଳ-୩
-----------
ଚଣ୍ଡୀ ଚାମୁଣ୍ଡାଙ୍କ ବିତ୍ପାତ
କ୍ରମେ ଚାଲିଛି ବଢି ,
ଚଞ୍ଚଳା ବି ଭୟେ ମାନବ-
ସ୍କନ୍ଧୁ ଗଲେଣି ଛାଡି ।
ଛଟପଟ ଯେତେ ହୁଅନ୍ତି
ସେତେ ହଜଇ ଜ୍ଞାନ,
ଛୁରୀ ବନ୍ଧୁକରେ ମଣିଷ
ଦେଖେ ସୁଖ ସପନ ।
ଜଳଜଳ ଦିଶେ ଭବିଷ୍ୟ
ଜ୍ଞାନୀ ମହାତ୍ମା ଗଣେ,
ଜଡ ମୂକ ପ୍ରାୟେଥାଆନ୍ତି
ଗୋପ୍ୟ ହୋଇ ସେମାନେ।
ଝଡ ବାତ୍ୟା ବନ୍ୟାପ୍ରକୋପେ
ତୁଟେ ଦେଶର ଶିରୀ ,
ଝରିପଡୁଅଛି ଜୀବନ
ମଉଳା ଫୁଲପରି ।
ଟଳଟଳ ହୁଏ ଜୀବନ-
ତରୀ ଏ ଭବଜଳେ ,
ଟାଳିବାକୁ ଏହି ସଂକଟ
କେହି ନଭାବେ ତିଳେ।
ଠକିବା ଭଣ୍ଡିବା ତଣ୍ଡିବା
ବିନାଦୋଷେ ଦଣ୍ଡିବା,
ଠଉରାଇ ସାଧୁ ସନ୍ଥଙ୍କୁ
ଭବଜଳେ ମାଣ୍ଡିବା ।
ଡରାଇ ହଲାଇ ଭୁଲାଇ
ସ୍ବାର୍ଥ ହାସଲ କରି,
ଡକା ପକାଇବେ ଜଗତେ
ଦେଖାଇ ବାହାଦୂରୀ ।
କ୍ରମଶଃ...............।।
କୈଳାସ ଚନ୍ଦ୍ର ପାଢୀ।କୁମାରପୁର।
ଭଦ୍ରକ।
================