KRUTIBAS NAYAK

Others


3  

KRUTIBAS NAYAK

Others


ସଂଖ୍ୟା ବଢୁଛି-ମାନ କମୁଛି

ସଂଖ୍ୟା ବଢୁଛି-ମାନ କମୁଛି

1 min 178 1 min 178


ଆଧୁନିକ ଯୁଗ ଘର ବଢିଚାଲେ ପରିବାର ଛୋଟ ହେଉଛି,

ଆମେରିକା ଲାଗେ ବହୁତ ପାଖରେ ପଡୋଶୀ ଦୂରେଇ ଯାଉଛି |


ଜ୍ଞାନ-ବିଜ୍ଞାନର ବିକାଶ ଘଟୁଛି ସାଧାରଣଜ୍ଞାନ କମୁଛି,

ମଦର ପ୍ରସାର ହେଉଛି ପ୍ରବଳ ପାଣି କିଣିବାକୁ ପଡୁଛି |


ମଣିଷର ସଂଖ୍ୟା ବଢିବଢି ଚାଲେ ମାନବିକତାଟି ମରୁଛି,

ଦାମୀଘଡ଼ି ସିନା ମିଳେ ବଜାରରେ ସମୟ କାହାକୁ ମିଳୁଛି ?


ଧନୀଲୋକ ଘରେ ଧନ ବଢ଼ି ଚାଲେ ସୁଖ ଆଉ ଶାନ୍ତି କମୁଛି,

ଭଲ ପାଇବାଟା ଛଳନା ହେଉଛି ସଂପର୍କ ବହୁତ ବଢୁଛି |


ଫସଲ ଅମଳ ବଢୁଛି ଦେଶରେ ଭୋକରେ ମଣିଷ ବିକଳ,

କାମ କରିବାକୁ ଲୋକ ମିଳୁନାହିଁ ଦାଦନ ଶ୍ରମିକ ପ୍ରବଳ |


ଦେବତା ମନ୍ଦିର ବଢୁଛି ବହୁତ ଭକ୍ତିଭାବ କମି ଯାଉଛି,

ସଂଗୀତ ସିନେମା ବଢିବଢି ଚାଲେ ମାନ ତା' ହରେଇ ଦେଉଛି | 


ଲେଖକର ସଂଖ୍ୟା ବଢିବା ସହିତ ପାଠକର ସଂଖ୍ୟା କମୁଛି,

ବକ୍ତାଙ୍କର ସଂଖ୍ୟା ସଭାରେ ବଢୁଛି ଶ୍ରୋତା ତା' ନିଦରେ ଝୁମୁଛି |


ଅଫିସର ସଂଖ୍ୟା ବଢିଲେ କି'ହେବ ଅଧାଦିନ ତାଲା ଝୁଲୁଛି,

ସେବକର ସଂଖ୍ୟା ବଢୁଛି ସବୁଠି ସେବା ଯତ୍ନ କମି ଚାଲୁଛି |


ବିଦ୍ୟାଳୟ ସଂଖ୍ୟା ବଢୁଛି ପ୍ରବଳ ପାଠପଢ଼ା ମାନ କମୁଛି,

ଗାଆଁର ମଣ୍ଡପ ବଢୁଛି ସେଇଠି ତାଆସ ଖେଳଟା ଜମୁଛି |


ମୋବାଇଲ ଫୋନ ସଭିଙ୍କ ହାତରେ ସମୟ କାହାକୁ ଅଣ୍ଟୁନି,

ବାବାଜୀଙ୍କ ସଂଖ୍ୟା ବଢୁଛି ଯେମିତି ବଢୁଛି ସେମିତି ଭଣ୍ଡାମୀ |


Rate this content
Log in