ସଂଘର୍ଷ

(କ)

ଭଲ ମନ୍ଦ ବିଭାଜନେ

ସୃଷ୍ଟି କୋଣ ଛଳନା ର

କୃତ୍ରିମତା ପ୍ରଦର୍ଶନେ

ଆଙ୍କଇ ସଂଘର୍ଷ ଗାର ।

(ଖ)

କାରଣ ଅକାରଣରେ

ବରିଣ ବୈରତା

ସଂକୀର୍ଣ୍ଣତା ପ୍ରଲୋଭନେ

ବିଶ୍ୱ ହଟହଟା ।

(ଗ)

ନରପ୍ରାଣ ଆତଙ୍କିତ

ଆତଙ୍କ ଜୁଆରେ

ସଂଘର୍ଷ ର ଭଟ୍ଟା ରଚେ

କୃତ୍ରିମ ବିଭ୍ରାଟ ।

(ଘ )

ବନ୍ଯା ,ମରୁଡି ,ଝଡରୁ

ନିବୃତ ସକାଶେ

ସଂଘର୍ଷ କରିବା ହେଉ

ବିଜ୍ଞାନୀ ବିଶେଷ ।

(ଙ)

ନ ହେଉ ସଂଘର୍ଷ ମୋଟେ

କେବଳ ଧରା କୋଣେ

ମୃତ୍ୟୁ ଲୀଳା ରଚନାରେ

କୃତ୍ରିମତା ପଣେ ।

(ଚ)

ପଞ୍ଚେନ୍ଦ୍ରିୟ ଶକ୍ତ କରି

ଷଡରିପୁ ଦିନରେ

ସଂଘର୍ଷ ରଖିବା ଜାରି

ଜନହିତ ମାନସରେ ।।।।