ସଂଘର୍ଷ

କଥା ସେମିତି ବିଶେଷ ନୁହେଁ

ସବୁସଧାରଣ ଚିରାଚରିତ

ଆରମ୍ଭ ରୁ ଶେଷ ଆଉ ଶେଷ ରୁ ଆରମ୍ଭ

ପଡି ଉଠି ଧାଉଁଥିବା ଜୀବନ ରେ ବାକିଥିବା

ନିଶ୍ୱାସ ର ଅବଶିଷ୍ଠ ମୁହୂର୍ତ୍ତ କେତେଟା ବି

କରୁଥାଏ ସଂଘର୍ଷ ଅହରହ ===

ଏନ୍ତୁଡ଼ି ଶାଳ ରୁ ଶ୍ମାଶନ ଯାଏ

ସବୁଠି ଠେଲାପେଲାର ଝଟପଟା ଝପଟି

କେତେବେଳେ ଟେବୁଲ ତଳେ ପଡିଥିବା ଅଇଁଠା ଖାଦ୍ୟ ପାଇଁ

ଅବା ସରକାରୀ ସ୍କୁଲ ରେ ବିନା ଶୁଳ୍କ ରେ ନାମଲେଖା

ସବୁଠି ସେଇ କଥା

ସୁପାରିଶ ଆଉ ସୁଟକେଶର ବେପାର ===

ପାଠ ପଢି ସାଧାରଣ ଯୁବକ ଧକ୍କା ଖାଉଥାଏ

ଅଥଚ ଜାଲ ଡିଗ୍ରୀ ଧରି ମାସ ଶେଷରେ ଟଙ୍କା ଗଣୁଥାଏ

ଗରିବ ରୋଗୀ ପାଏନା ଚିକିତ୍ସା

ଧନୀ କିନ୍ତୁ କ୍ୟାସଲେସରେ ଛୁଞ୍ଚି ଫୋଡି ହେଉଥାଏ

ଶୀତତାପ କ୍ୟାବିନରେ ::

ଜୀବନର ଅନ୍ୟ ନାଁ ହିଁ ସଂଘର୍ଷ

ଖାଦ୍ୟ ବସ୍ତ୍ର ଆଉ ବାସଗୃହ

ସବୁଠି ସେଇ ଗୋଟିଏ ସ୍ୱର

କିଛି ପାଇବାର ଆଉ କିଛି ଖୋଜିବାର

କଛି ବ୍ୟକ୍ତ କିଛି ଅବ୍ୟକ୍ତ

ଘଟଣା ସବୁ ସାଧାରଣ

ବଂଚିବା ପାଇଁ ସଂଘର୍ଷ ====