ସ୍ନେହ ମମତାର ଡୋରି ରାକ୍ଷୀ

    ଭାଇ ଭଉଣୀର   ଅତୁଟ ସମ୍ପର୍କ 

       ଯୁଗେ ଯୁଗେ ରହିଥାଏ 

    ସେହ୍ନ ବନ୍ଧନରେ  ଏ ଜୀବନ ଛନ୍ଦା 

         ସର୍ବଦା ଅତୁଟ ଥାଏ ||

      ଗୋଟିଏ ମାଳିରେ ଗୁନ୍ଥା ଅଛୁ ଆମେ 

         ଗୋଟିଏ ଠିକଣା ଦ୍ୱାରେ 

      ଭାଇ ମୋର ପ୍ରାଣ  ଭାଇ ମୋ ଜୀବନ 

           ମଧୁର ମୂର୍ଚ୍ଛନା ସ୍ଵରେ ||

      ରାକ୍ଷୀ ନୁହେଁ ସେତ ରେଶମ ଡୋର 

         ସାହସର ପ୍ରତୀକ ଟିଏ 

       ସବୁ ବିପଦକୁ   ଏଡେଇ ଦିଏ ସେ 

           ପବିତ୍ର ବନ୍ଧନ ଟିଏ ||

        ଭଉଣୀ ମନରେ  କେତେ ଯେ ଉଲ୍ଲାସ 

            ରାକ୍ଷୀ ଧରି ବସି ଥାଏ 

         ଚନ୍ଦନ, କୁକୁମ  ଓ ସାଥେ ସିନ୍ଦୂର 

             ଥାଳିକୁ ସଜାଡି ଥାଏ ||

        ଲୋଡ଼ା ନୁହେଁ ତାର  ଦାମୀ ଉପହାର 

          ଲୋଡ଼ା ଖାଲି ଟିକେ ସ୍ନେହ 

        ଭାଇ ତାର ସାହା  ଭାଇ ହିଁ ଭରଷା 

            ଭାଇ ହିଁ ରକ୍ଷା କବଚ ||