ସନ୍ଧ୍ୟା ର ଆଗମନେ

ପଶ୍ଚିମ ଆକାଶେ ସୂର୍ଯ୍ୟ ହେଲେ ଅସ୍ତ

   ଚାରିଆଡେ ଖେଳିଗଲା ଇଷତ ନାରଙ୍ଗୀ ରଙ୍ଗ,

ସନ୍ଧ୍ୟାର ହୋଇଲା ଆଗମନ

   ବସାକୁ ଫେରିଲେ ବିହଙ୍ଗ ।

ଗୋଧୂଳି ଉଡେଇ

    ଗୋପ ପୁଅ ଫେରେ

ଗାଈ ଗୋଠ ସବୁ

     ଚାଲନ୍ତି ଆଗରେ ।

କ୍ଷେତୁ କାମ ସାରି

     ଫେରିଲାଣି ଚଷା ପୁଅ,

ଦିନ ସାରା ଖଟିଖଟି

     ମୁହଁ ଦିଶେ କ୍ଲାନ୍ତ ।

ବୃନ୍ଦାବତୀ ମୂଳେ

    ସଂଜବତୀ ଜଳେ,

ଘରର ଝିଅ ବୋହୂ

     ଗୁହାରି ଢାଳେ ।

ଘରୁ ଘରୁ ଶୁଭେ

    ଶଙ୍ଖର ନାଦ,

ଖେଳ ସାରି ପିଲାଏ

    ମୁହଁ ହାତ ଧୁଅ ।

ଭାଗବତ ଘରୁ

     ଶୁଭେ ଜଣାଣ,

ଠାକୁର ଘରେ

    ସଭିଏଁ କରନ୍ତି ପ୍ରଣାମ ।

ମନ୍ଦିରରୁ ଶୁଭେ

     ଘଣ୍ଟ ଆଳତୀ,

ବହି, ପତ୍ର ଧରି ପିଲାଏ

      ପଢି ବସନ୍ତି ।

ସନ୍ଧ୍ୟାର ଆଗମନେ

      ଦିବା ଯାଏ ଫେରି,

ନିଶି ଆସିବାକୁ

      ଥାଏ ଅପେକ୍ଷା କରି । ।