ସମୟର ଗତି
ସମୟର ଗତି
1 min
11.5K
ଗଚ୍ଛିତ ଟଙ୍କାରେ ବୃଥା ଅହଂକାରେ
ଗର୍ବରେ ନରହ ମଜ୍ଜି
ଖୋଳିଲେ କବର ମିଳିବ ଖବର
କେତେ ଯେ' ଗଲେଣି ହଜି
ପ୍ରିୟ ପରିଜନ ବର୍ଜି
ନାହିଁ ତ ସାଧନ ଗଲା କେ' ଦାଦନ
ଖଟିଲେ ଆଣିବ ଅର୍ଜି ।
ଛିଦ୍ର ପାଇ ବାଲି ଗଳିଯାଏ ଖାଲି
କାଳ ଯାଉଥାଏ ବିତି
ଆକର୍ଷଣ ବଳେ ଉପରରୁ ତଳେ
ଖସିବା ସଂସାର-ନୀତି
ଭାବିଲେ ଲାଗଇ ଭୀତି
ଯିଏ ବି ପତିତ ଭାଳି ତା' ଅତୀତ
ନେତ୍ରଜଳେ ଯାଏ ତିନ୍ତି ।
ଦିନ ମରତର ଯେତେ ଖରତର
ସହଳେ ଯାଏ ତ ଗଡ଼ି
କାମ ଦିନକ'ର ସାରି ଦିନ-କର
ଆଗକୁ ଯାଆନ୍ତି ବଢ଼ି
ସମୟ ସୋପାନ ଚଢ଼ି
ନାହିଁ ତ କା' ତର କିପାଇଁ କାତର
ହେବା ଏ ମୋହରେ ପଡ଼ି ।