ସମୟ କହୁଛି

ଚେଇଁ ଶୋଇଛି ଯେ ତାକୁ ଉଠେଇବ କିଏ

ଚାଇଁ ଚାଇଁ ଜଳକା ହବାର ଅଭିନୟ କରୁଥାଏ ସିଏ

ଧ୍ବସ୍ତ ବିଧ୍ଵସ୍ତ ପୃଥିବୀ କାନ୍ଦୁଛି

ରକ୍ତର ଲୁହ ବୋହୁଛି, ତା ପାଇଁ ଦାୟୀ କିଏ

ସେ କହୁଥାଏ ତାର ଦୋଷ

ମୁଁ ବି କହୁଥାଏ ମୁଁ ଯେ ନିର୍ଦୋଷ

ଅପରାଧର ଚରାଭୁଇଁରେ ସମସ୍ତେ ଏଠି ଖଲାସ

ଜାତି ଧର୍ମର ନାରା ବାଜୁଛି

ଯିଏ ଯାହା ପାରୁଛି ତାହା କରୁଛି

ସାନ ବଡର ସନମାନ ନାହିଁ

ଯିଏ ଯାହାକୁ କରୁଥାଏ ଟାପରା ଟାହି

ମିଛ ଦେଖା ଶେଖା କେତେ ଚାଲୁଛି

ବେଳ ଥାଉ ଥାଉ ସାବଧାନ ହୁଅ

ହାତ ଠାରି ସମୟ କହୁଛି ।