ସ୍ମୃତି ଏକ ରୂପା ଜହ୍ନ

ଶଶାଙ୍କ ଶେଖର ରାୟ

ସ୍ମୃତି ଯଦି ଫୁଲଟିଏ ହୋଇ

ଫୁଟୁଥାନ୍ତା ସମୟର ଡାଳେ

ତୋଳିଆଣି ଧରାଇଦିଅନ୍ତି ତୁମ ହାତେ

ଦେଖିଥାନ୍ତ କେମିତି ସ୍ମୃତିମାନେ

ଗୋଲାପଠୁଁ ଆହୁରି ସତେଜ

ତୁମେ ସିନା ଯାଇଛ ଭୁଲି

ଆଜି ବି ଆମ କାନ୍ଥେ ବନ୍ଦୀ

ନାଲିକାଳିରେ ମୁଣ୍ଡୁଳା ବୁଲିଥିବା ତାରିଖମାନେ

ପାରୁନି ସେମାନଙ୍କୁ ମୁକ୍ତି ଦେଇ

କି ମୁଁ ନିଜକୁ ନିଜେ ତୁମଠାରୁ

ମୁକୁଳିପାରୁନି ଏତେ ସହଜରେ ।

ଭୁଲିବାର ଥିଲା ଯଦି

ଆପଣାର କରୁଥିଲ କାହିଁ

କୁହୁଡିଆ ସପନ ଦେଖାଇ

ଫୁଲ ଜହ୍ନ ତାରାଙ୍କ ସହ ଲୁଚକାଳି ଖେଳାଇ

ହଜିଗଲ ଯେ କାହିଁ

କେଉଁ ଅଜଣା ରାଇଜେ

ଦେଖିବ ଥରେ ଆସ

କେମିତି ମୁଁ

ତୋଳିଛି ତୁମ ସ୍ମୃତିରେ

ତାଜମହଲଟିଏ ମୋ ହୃଦୟରେ ।

ମୋ - ୭୩୭୭୧୯୭୯୯୯

ବଟରପଡା ଭାମଣ୍ଡା ରାଜକନିକା କେନ୍ଦ୍ରାପଡା