ସମ୍ପର୍କଟିଏ

ବାଟ ଚାହିଁ ଯାଉଥିବା

ପଥିକ ଯଦି ପ୍ରଶ୍ନ କରେ ;

ତମେ କିଏ...?

ତମ ପରିଚୟ କଣ...?

ଏ ଦୁନିଆ ଆଖିରେ ।

ସମୟ ହସି ଦିଏ

ନିରବ ରୁହେ,

ଜୀବନର ଲମ୍ବା ରାସ୍ତାରେ ।।୧।।

ମୁଁ ଜାଣେ, ମୁଁ ମୋ ନିଜକୁ

ସମ୍ପୂର୍ଣ୍ଣ ବୁଝିବା ତଥା

ଖୋଜିବାର ଇସ୍ତାହାର ପୃଷ୍ଠାରେ ।

ମିଳେ ଏଠି ମିଠାମିଠା

ଖୁସି,ଶାନ୍ତି, ଆନନ୍ଦ,

ଅଜଣା, ଅଚିହ୍ନ ଅପରିଚିତ

ଆଇନା ସମ୍ମୁଖରେ ।।୨।।

ଅସ୍ପଷ୍ଟ ଭାବାବେଗେ,

କିଛିକାଳ ହସର ଆଳାପ

ଯୋଡିନିଏ ନୂତନ ପାଦ ଚିହ୍ନରେ ।

ମନରେ ଆସ୍ୱସ୍ତି ଭରେ

ଶୋଭିତ ଶୋଭା ସମ୍ପର୍କଟି

ନିଦୁଆ ସ୍ୱପ୍ନର ରଙ୍ଗତୁଳୀ ଛାଇରେ ।। ୩।।

****