Library
Profile
ସମ୍ପର୍କ
ସମ୍ପର୍କ
ସ୍ୱାର୍ଥ ପାଇଁ ଗଢ଼ା ସମ୍ପର୍କଟି
ରହେ ନାହିଁ କେବେ
ସ୍ୱାର୍ଥ ହାସଲ ହୋଇଲେ ଭାଙ୍ଗି
ଯାଏ ଏହି ଭବେ
ନିଃସ୍ଵାର୍ଥ ସମ୍ପର୍କ ଚିରସ୍ଥାୟୀ,
ଏହି କଥାଟି ଜାଣ
ବିପଦେ ଆପଦେ ରହେ, ନଥାଏ
ଛଦ୍ମ ଆଭରଣ
ସମ୍ପର୍କର ମୂଲ୍ୟ ଅଟଇ ଅମୂଲ୍ୟ,
ସୁମଣିଷ ପାଇଁ
ସମ୍ପର୍କ ନରଖେ, ଆଜି ଗଢ଼ି କାଲି
ଭାଙ୍ଗିବା ପାଇଁ
ହୃଦୟ ତ ଚାହେଁ ସମ୍ପର୍କ ସର୍ବଦା
ଗଢି ଉଠୁ ଏହି ପରି
ସମ୍ପର୍କୀୟ ସାହାରାଟେ ହେବ ପାଖେ
ଥିବ ସର୍ବଦା ଛାଇ ପରି
ଏକ ମଣିଷ ବ୍ୟକ୍ତ ନକଲେ ବି
ନିଜ ମନର ଅକୁହା ଭାବ
ଅତ୍ମୀୟତା ଥିଲେ ସମ୍ପର୍କୀୟ
ମନର କଥା ପଢି ନେବ
ମନର କିଛି ଅକୁହା ବେଦନା&
nbsp;
ଲୁହ ହୋଇ ଯଦି ଝରେ
ଅନ୍ତରଙ୍ଗ ଯିଏ, ସେ ଆସି ପୋଛି
ଦିଏ ତାର ପାପୁଲିରେ
ସମୟେ ସମୟେ ମଣିଷର ମନ
ଅପଥକୁ ଚାଲି ଯାଏ
ପ୍ରକୃତ ବନ୍ଧୁ ପଛେଇ ନଯାଇ ଅବାଟରୁ
ବାଟକୁ ଆଣି ଥାଏ
ଅନ୍ତରର ଯେବେ ଅସହ୍ୟ ଯନ୍ତ୍ରଣା ବହି
ଆସେ ଦୁଃଖର ସାଗରରେ
ମନ ଖୋଜେ ମନର ମଣିଷଟେ ଆସୁ, ଯେ
ବାନ୍ଧିବ ଅନୁରାଗ ଓ ସ୍ନେହରେ
ବହୁ ମଣିଷ ଆସନ୍ତି ଜୀବନେ, ଜଣେ
ଛୁଇଁ ଯାଏ ତୁମର ମନ
ଯା ପାଇଁ ହୃଦୟ ଜାଳେ ସଞ୍ଜବତୀ, ତା
ଭାବନାରେ ଥାଏ ଲୀନ
ପଥର ମଣିଷ ପବିତ୍ର ବନ୍ଧନ ସମ୍ପର୍କୀୟ
ହେଲେ ଜୀବନରେ
ସାରା ଜୀବନର ସମୟ କଟିବ ହନ୍ତସନ୍ତ
ଓ ଆଖିର ଲୁହରେ
